Endaði ölvunaraksturinn uppi á vegg

Ökuferðin endaði uppi á vegg. Töluverðar skemmdir eru á bílnum, …
Ökuferðin endaði uppi á vegg. Töluverðar skemmdir eru á bílnum, en ökumaðurinn slapp ómeiddur.

Ökumaður sem grunaðar er um ölvunarakstur endaði för sína upp á vegg í nágrenni fyrirtækisins Málningar við Dalveginn í Kópavogi í morgun.

Gegnumakstur er á þessum slóðum og aka margir bak við bensínstöð Orkunnar til að stytta sér leið af Dalveginum út á Reykjanesbrautina. Ökumaður þessa bíls villtist hins vegar eitthvað í myrkrinu klukkan hálfníu í morgun og endaði ökuferðina uppi á veggnum.

Verulegar skemmdir eru á bílnum, en ökumaðurinn sem var einn í bílnum, slapp ómeiddur. Hann sefur hins vegar núna úr sér í fangageymslum lögreglunnar, sem mun ræða við hann frekar þegar hann vaknar.

mbl.is
Fleira áhugavert
Fleira áhugavert