Þingflokkur Vinstri hreyfingarinnar – græns framboðs fundaði í morgun þar sem Katrínu Jakobsdóttur, formanni flokksins, var veitt umboð til þess að hefja formlegar stjórnarmyndunarviðræður við Pírata, Viðreisn, Bjarta framtíð og Samfylkinguna.
Katrín segist á Facebook-síðu sinni í kvöld hafa í framhaldinu átt „góðan fund með forystufólki þessara flokka. Á honum var ákveðið að fresta ákvörðun um formlegar viðræður til morguns. Við munum því funda aftur seinnipartinn á morgun.“
Katrín segir VG „sem fyrr leggja áherslu á að farið verði í umbætur í heilbrigðismálum, menntamálum, velferðarmálum og uppbyggingu innviða. Þessar umbætur viljum við fjármagna með arði af auðlindum og réttlátu skattkerfi sem tryggir að aðugustu hópar samfélagsins leggi meira af mörkum en aðrir.“