Öryrkjabandalag Íslands, ÖBÍ, stóð fyrir samstöðufundi við Alþingishúsið við upphaf þingfundar í dag. Þar voru þingmönnum voru afhent skrín með óskum frá málefnahópum ÖBÍ vegna fjárlagagerðar fyrir árið 2017.
Meðal annars var vikið að óskum um lögfestingu samnings Sameinuðu þjóðanna um réttindi fatlaðs fólks, aðgang fatlaðs fólks að námi, afnám „krónu á móti krónu“ skerðingar, virkt eftirlit með aðgengi að mannvirkjum og að heilbrigðisþjónusta verði endurgjaldslaus.
Þingmönnum voru afhent óskaskrínin við upphaf þingfundar, þar sem óskir ÖBÍ komu fram.