23 fái heiðurslaun listamanna

Alls­herj­ar- og menntamála­nefnd Alþingis hefur lagt til að 23 listamenn fái heiðurslaun samkvæmt ákvörðun þingsins.

Heiðurs­laun lista­manna voru veitt sam­kvæmt lög­um nr. 29/​1967 fram til 1991, þegar þau lög voru felld úr gildi en ný lög um lista­manna­laun, nr. 35/​1991, tóku við. Í hinum nýju lög­um var í fyrstu ekk­ert ákvæði um heiðurs­laun­in og samþykkti Alþingi því jafnan að veita þau frá ári til árs í tengsl­um við fjár­la­gaum­ræðu að hausti.

En ein­ing náðist á Alþingi vorið 2012, um að setja loks lög um heiðurs­laun lista­manna og tóku þau gildi í sept­em­ber sama ár. Í nýju lög­un­um er sett þak á fjöld­ann, 25 lista­menn fái ár­lega heiðurs­laun sem skuli vera jafn­há starfs­laun­um lista­manna og veitt að fullu til 70 ára ald­urs, en eft­ir það séu þau 80% af starfs­laun­um.

Eins og áður kom fram hefur nefndin lagt til að 23 manns fái heiðurslaun listamanna. Þeir eru eftirfarandi:

1. Atli Heim­ir Sveins­son
2. Erró
3. Guðberg­ur Bergs­son
4. Guðrún Ásmunds­dótt­ir
5. Hann­es Pét­urs­son
6. Hreinn Friðfinns­son
7. Jóhann Hjálm­ars­son
8. Jón Nor­dal
9. Jón Sig­ur­björns­son
10. Jón­as Ingi­mund­ar­son
11. Jórunn Viðar
12. Krist­björg Kj­eld
13. Magnús Páls­son
14. Matt­hías Johann­essen
15. Megas
16. Sig­urður A. Magnús­son
17. Steina Vasul­ka
18. Vigdís Gríms­dótt­ir
19. Vil­borg Dag­bjarts­dótt­ir
20. Þor­björg Höskulds­dótt­ir
21. Þor­steinn frá Hamri
22. Þrá­inn Bertels­son
23. Þuríður Páls­dótt­ir

• 1 blogg um fréttina

Bloggað um fréttina

• Valdimar Samúelsson: Heiðurslistamannalaun eða Heiðurs-mæðra laun fyrir mæður sem hafa átt þrjú …