Fresta innleiðingu á greiðsluþátttökukerfi
Setja bókamerki
Heilbrigðisráðherra hefur ákveðið að fresta innleiðingu á nýju greiðsluþátttökukerfi vegna heilbrigðisþjónustu til 1. maí næstkomandi.
Það kemur fram á heimasíðu velferðarráðuneytisins en ákvörðunin byggist á því að meiri tíma þurfi til að undirbúa kerfisbreytinguna, fyrst og fremst vegna ýmissa tæknilegra örðugleika við útfærslu hennar.
Alþingi samþykkti 2. júní síðastliðinn breytingu á lögum um sjúkratryggingar þar sem kveðið var á um grundvallarbreytingar á fyrirkomulagi á greiðslum sjúklinga fyrir heilbrigðisþjónustu og var gert ráð fyrir því að nýju lögin kæmu til framkvæmda 1. febrúar næstkomandi.
Samkvæmt nýju greiðsluþátttökukerfi verður tryggt að mánaðarlegar greiðslur fólks fyrir heilbrigðisþjónustu fari aldrei yfir tiltekið hámark og að þar með verði jafnframt sett þak á árleg heildarútgjöld fólks fyrir þá heilbrigðisþjónustu sem fellur undir nýja greiðsluþátttökukerfið. Undir nýja kerfið fellur þjónusta heilsugæslu, sjúkrahúsa, sjálfstætt starfandi heilbrigðisstarfsmanna, rannsóknir og geisla- og myndgreining.
Segir Samfylkinguna apa eftir Framsókn
Gefur ekkert upp um leyfi til hvalveiða
Ný staða uppi og óvissan meiri
Mun fara sparlega með málskotsréttinn
Mikilvægt að vera á tánum
Nauðgaði kærustu sinni og tók það upp