Dagsetning á forsíðu skýrslu um eignir Íslendinga á aflandssvæðum var afmáð fyrir mistök í meðferð starfsmanns starfshópsins sem vann skýrsluna. Þetta staðfestir upplýsingafulltrúi fjármálaráðuneytisins í samtali við mbl.is.

RÚV greindi fyrst frá málinu.

Elva Björk Sverrisdóttir, upplýsingafulltrúi fjármálaráðuneytisins, segist ekki hafa frekari skýringar á því hvers vegna dagsetningin á forsíðu skýrslunnar hafi verið afmáð.

Starfshópurinn skilaði skýrslunni til fjármálaráðuneytisins 13. september. Hún var birt á vef ráðuneytisins í lok síðustu viku. Þar má sjá að text­inn „sept­em­ber 2016“ á forsíðu hef­ur verið hvíttaður, þannig að hann sést ekki nema text­inn sé af­ritaður í annað rit­for­rit, á borð við Microsoft Word.

Sig­urður Ing­ólfs­son, formaður starfs­hóps sem vann skýrsluna, sagði í samtali við mbl.is í gær að „september 2016“ hefði ekki átt við þar sem skýrslan var gefin út í janúar á þessu ári. Undir það tekur Elva:

„Það hefði í raun og veru átt að setja á þetta „janúar 2017.“ Það hefði verið í samræmi við það sem er viðhaft þegar svona er birt, að hafa tímasetninguna sem tengist útgáfunni sjálfri.“

Tengdar fréttir

Panamaskjölin

Fyrrverandi forsetar Panama ákærðir

• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út
• Öllum málum Sjólaskipasystkina vísað frá

» Fleiri tengdar fréttir

• Blogga um frétt