Lónið allt verði innan Vatnajökulsþjóðgarðs

Björt Ólafsdóttur tók við lyklavöldum í Umhverfisráðuneytinu af Sigrúnu Magnúsdóttur ...
Björt Ólafsdóttur tók við lyklavöldum í Umhverfisráðuneytinu af Sigrúnu Magnúsdóttur í gær. Nýr ráðherra fagnar því að komið sé á hreint að ríkið geti nýtt forkaupsrétt sinn að jörðinni Fell við Jökulsárlón. mbl.is/Árni Sæberg

Björt Ólafsdóttir, nýr umhverfisráðherra, fagnar því að það sé komið á hreint að ríkið geti nýtt forkaupsrétt sinn að jörðinni Fell ivið Jökulsárlón, sem komist þar með í eigu almennings. „Þá geta þau áform sem uppi hafa verið um að taka þetta svæði og setja undir Vatnajökulsþjóðgarð orðið að veruleika,“ segir Björt.

Greint var frá því í Fréttablaðinu í morgun að vegna klúðurs hjá sýslu­mann­in­um á Suður­landi og fjár­málaráðuneyt­inu væru lík­ur á því að ríkið hafi keypt jörðina eft­ir að frest­ur til þess rann út, sem gæti orðið til þess að það geti ekki eign­ast jörðina. Í tilkynningu frá Sýslumanninum á Suðurlandi, sem send var á fjölmiðla um hádegi í dag kemur fram að fresturinn hafi ekki verið runnin út. Meg­in­regla sé að for­kaups­rétt­ur verði ekki virk­ur fyrr en bind­andi samn­ing­ur kemst á milli eig­anda for­kaups­rétt­ar­ og kaup­anda. 

„Við erum þá vonandi að horfa til þess að sá einstaki atburður sé að eiga sér stað að við Íslendingar fáum þjóðgarð alveg frá fjalli til fjöru, sem er mjög einstakt og ég vona svo sannarlega að þessi áform öll nái að ganga fram,“ segir Björt. 

Vonar að lónið allt verði innan þjóðgarðsins 

Unnið er að slíkum áformum í Umhverfisráðuneytinu og öðrum ráðuneytum. „Sú samvinna verður að halda áfram og ekki hvað síst í samvinnu við sveitarfélagið. Ég veit ekki betur en að það samtal allt hafi verið gott og svo verður vonandi áfram.“

Björt segir flókið eignarhald á Felli hafa staðið uppbyggingu á svæðinu fyrir þrifum, en nú opnist miklir möguleikar á öflugri uppbyggingu á því svæði sem deiliskipulag heimilar framkvæmdir á. 

Björt framtíð hefur talað fyrir stofnun miðhálendisþjóðgarðs á Íslandi og kveðst ráðherra vona að Vatnajökulsþjóðgarður verði aðeins fyrsta skrefið í slíku ferli. „Við tökum bara eitt skref í einu, en vonandi verður þetta til þess að Vatnajökulsþjóðgarður verður stækkaður þannig að lónið allt verði innan hans og líka sá hluti hans sem er núna þjóðlenda,“ segir hún og kveðst ekki eiga von á öðru en að svo verði.

Stofnun miðhálendisþjóðgarðs sé hins vegar stærra verkefni, sem krefjist víðtækari samvinnu um önnur svæði á hálendinu sem vilji sé til að vernda sérstaklega.

Skoðar græna skatta með starfsfólki ráðuneytisins

Unnið er að því að koma Vatnajökulsþjóðgarði á heimsminjaskrá og er gert ráð fyrir að þeirri vinnu ljúki í janúar á næsta ári. Björt telur líklegt að landsvæðið sem ríkinu gefst nú færi á að kaupa verði hluti af þeirri skráningu. „Það er unnið hér í ráðuneytinu að því að flytja Vatnajökulsþjóðgarð á heimsminjaskrá Unesco. Hann færi þá allur inn ef þessi áform ganga eftir og það er þá virkilega flott markmið að stefna að.“ 

Ráðherra hefur talað fyrir grænum gjöldum og kveðst Björt þar eiga við græna hvata, eða skatta sem lagðir eru á til að hvetja til hegðunar sem m.a. auki umhverfisvitund og minnkar útblástur.

„Það er hægt að beita þessum hvötum á ýmsan hátt. Nú er ég að fara yfir það með mínu ráðuneytisstarfsfólki hvað það hefur séð fyrir sér í þessum efnum og hvernig við getum gert þetta á breiðum grundvelli.“

mbl.is

Innlent »

Endurupptaka Geirfinnsmálsins peningasóun

Í gær, 22:01 Jón Gunnar Zoëga, lögmaður og réttargæslumaður Valdimars Olsen sem sat saklaus í gæsluvarðhaldi grunaður um aðild að hvarfi Geirfinns Einarssonar, segir það peningasóun að taka Guðmundar- og Geirfinnsmálin upp að nýju fyrir dómstólum. Þau seku í málinu hafi verið dæmd. Meira »

Missti af því að byrja að drekka

Í gær, 21:20 Marta Magnúsdóttir segir að í skátunum hætti enginn að leika sér. Þessi 23 ára skátahöfðingi Íslands hefur ferðast víða um heim og er meira að segja pólfari. Hún er uppalin í Grundarfirði og unir sér illa í borgum. Hún segir að það besta við að vera í skátunum sé að maður fái að vera maður sjálfur. Meira »

Stormur og hellidemba á morgun

Í gær, 20:45 „Þetta er nú lítið spennandi veður. Mikið vatnsveður og hvasst með þessu en þetta er ekki mest spennandi laugardagur sem við höfum upplifað,“ segir Theodór Freyr Hervarsson, veðurfræðingur á Veðurstofu Íslands, um veðrið á morgun. Meira »

Hatursorðræða er samfélagsmein

Í gær, 20:20 Ísland er langt á eftir norrænum ríkjum þegar kemur að umræðu og lagasetningu um hatursorðræðu. Þetta kom fram á ráðstefnu um hatursorðræðu í íslensku samfélagi sem fram fór í Hörpu í dag á vegum Æskulýðsvettvangsins. Meira »

Stjórnarráðið lýst upp í fánalitunum

Í gær, 19:54 Stjórnarráð Íslands hefur nú fengið á sig nýja lýsingu, sem hægt er að hafa í íslensku fánalitunum. Það er lýsingarteymi Verkís sem á heiðurinn af hönnun nýju lýsingarinnar sem nær yfir allar hliðar byggingarinnar, utan bakhliðarinnar. Meira »

Gagnrýndi kjarnorkutilraunir N-Kóreu

Í gær, 19:32 Guðlaugur Þór Þórðarson utanríkisráðherra, gagnrýndi eldflauga- og kjarnavopnatilraunir Norður-Kóreustjórnar og efnavopnaárásir Sýrlandsstjórnar í ávarpi sínu á allsherjarþingi Sameinuðu þjóðanna í New York í dag. Þá lýsti Guðlaugur Þór yfir áhyggjum af aðstæðum Rohingya í Myanmar. Meira »

Áhættusöm myndataka við Gullfoss

Í gær, 19:20 Ferðamaður tók mikla áhættu í klettunum við Gullfoss fyrir nokkru, að því er virðist í þeim tilgangi að láta taka mynd af sér við fossinn. „Það var enginn sem var að skipta sér af þessu og enginn sem var með eftirlit þarna virðist vera.“ Meira »

Akstur krefst fullrar athygli

Í gær, 19:30 Vertu snjall undir stýri nefnist átak sem Slysavarnafélagið Landsbjörg ýtti nýverið úr vör. Tilgangur þess er að vekja bílstjóra til umhugsunar um þá miklu ábyrgð sem fylgir því að vera úti í umferðinni og nota snjalltæki undir stýri með mögulegum lífshættulegum afleiðingum. Meira »

Teikaði vespu á hjólabretti og fékk bætur

Í gær, 19:11 Héraðsdómur Reykjavíkur úrskurðaði í dag að Vátryggingafélags Íslands (VÍS) skyldi greiða helming þess tjóns sem ungur maður varð fyrir þegar hann datt á hjólabretti, sem dregið var áfram af vespu sem var á töluverðri ferð. Meira »

Fjármagnið minna en ekkert

Í gær, 18:36 Það fjármagn sem rennur til Landspítalans er minna en ekkert þegar öll kurl eru komin til grafar. Þetta segir Páll Matthíasson, forstjóri Landspítalans, í vikulegum pistli sínum á vef spítalans. Hann gerir ráð fyrir að heilbrigðismálin verði aftur ofarlega á baugi í kosningabaráttunni. Meira »

Bullum, gerum grín og stríðum hvert öðru

Í gær, 18:30 Vinskapurinn milli þeirra Siggu, Jogvans og Guðrúnar hefur vaxið með samstarfi þeirra í söng og þau hittast oft í hádeginu til að hlæja. Þau ætla að skemmta gestum sínum í kvöld í þrítugasta sinn, og hlæja mikið. Þau skemmta sér sjálf manna best á tónleikunum þar sem þau segja sögur og gera grín hvert að öðru. Meira »

Gáfu styttuna af Ingólfi Arnarsyni

Í gær, 18:20 Í tilefni af 150 ára afmæli Iðnaðarmannafélagsins í Reykjavík hefur verið gerð heimildarmynd um sögu þess. Árið 1924 gaf félagið íslensku þjóðinni styttu af Ingólfi Arnarsyni sem Knud Zimsen borgarstjóri og fyrrverandi formaður Iðnaðarmannafélagsins afhjúpaði við hátíðlega athöfn. Meira »

Með frumvarp fyrir framkvæmdum í Teigsskógi

Í gær, 18:05 Sjö þingmenn Norðvesturkjördæmis ætla á næsta þingfundi að leggja fram frumvarp þess efnis að Vegagerðinni verði veitt leyfi til framkvæmda á leið Þ-H á Vestfjarðavegi, sem liggur um Teigsskóg í vestanverðum Þorskafirði. Meira »

Börn fái nauðsynlega vernd

Í gær, 17:25 Logi Einarsson, formaður Samfylkingarinnar, sagði að loknum fundi formanna flokkanna með forseta Alþingis að umræður um breytt útlendingalög hefðu ekki verið á þann veg sem hann hefði viljað sjá, þannig að breytingarnar tryggðu börnum fullnægjandi réttindi. Meira »

Fjarar undan tillögum um stjórnarskrá

Í gær, 16:09 Bjarni Benediktsson forsætisráðherra sagði að loknum fundi með hinum formönnum flokkanna og forseta Alþingis að málin þokist í rétta átt, til dæmis hvað varðar uppreist æru. „Mér sýnist að menn séu komnir með niðurstöðu um það. Síðan eru önnur mál sem eru aðeins flóknari að ná utan um.“ Meira »

„Þeirra leið til að brjóta mann niður“

Í gær, 17:55 „Ég gæti setið hérna í allan dag og sagt ykkur sögur, því miður,“ segir Pape Mamadou Faye, framherji Víkings Ólafsvík. Sögurnar sem hann á við tengjast allar fordómum og/eða hatursorðræðu á einhvern hátt. Meira »

Hnepptur í gæsluvarðhald

Í gær, 16:41 Héraðsdómur Reykjavíkur féllst í dag á að erlendur karlmaður á fertugsaldri væri dæmdur í gæsluvarðhald. Það gildir í eina viku og er veitt á grundvelli rannsóknarhagsmuna. Meira »

Hjólreiðar verði raunhæfur samgöngukostur

Í gær, 16:00 Hjólreiðar eiga að vera raunhæfur kostur enda draga þær úr umhverfisáhrifum, lækka samgöngukostnað og minnka orkuþörf. Þetta sagði Jón Gunnarsson samgöngu- og sveitarstjórnarráðherra í ávarpi sínu á ráðstefnunni Hjólum til framtíðar, sem haldin var í tilefni Samgönguviku. Meira »
STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Sendibílaþjónustan Skutla S:867-1234
Tökum að okkur almenna flutninga, skutl, vörudreifingu o.fl. Nánari uppl. á www....
HARMONIKKUHURÐIR SPARA MIKIÐ PLÁSS
Margar gerðir, oftast afgreiddar samdægurs, verð frá kr. 13.900,- Sími 848 3215...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Það er opin vinnustofa hjá...
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...
Reikningsskiladagur
Fundir - mannfagnaðir
Reikningsskiladagur FLE Föstudagur...