Fjöldi fólks kom saman í gær á árlegu balli Þroskahjálpar á Norðurlandi. Ballið var haldið í Hlíðarbæ, rétt norðan Akureyrar, og er áætlað að á bilinu 100 til 140 manns hafi mætt á ballið.
Á ballinu, sem hefur verið haldið árlega í brátt að verða tuttugu ár, lék hljómsveitin Einn og sjötíu fyrir dansi og var gestum boðið í kökur og kaffi. Á árum áður léku þeir Gunni Tryggva og Rabbi Sveins fyrir dansi.