Ekki óskað eftir aðstoð björgunarsveita
Setja bókamerki
Lögreglan hefur ekki óskað eftir aðstoð björgunarsveita vegna leitarinnar að Birnu Brjánsdóttur, sem ekkert hefur spurst til síðan aðfaranótt laugardags.
Þetta staðfestir Þorsteinn G. Gunnarsson, upplýsingafulltrúi Slysavarnarfélagsins Landsbjargar.
Lögreglan óskaði þó eftir því að fá sporhund frá björgunarsveitunum vegna leitarinnar.
Lögreglan segir að leitin að Birnu sé í algjörum forgangi hjá sér. Fjöldi fólks hefur aðstoðað við hana og meðal annars hefur verið útbúið kort þar sem hægt er að merkja inn á hvar fólk hefur leitað.
Birna er fædd árið 1996, er 170 cm há, um það bil 70 kg og með sítt rauðleitt hár. Birna var klædd í svartar gallabuxur, ljósgráa peysu, svartan flísjakka með hettu og svarta Dr. Martin-skó.
Allir þeir sem geta veitt upplýsingar um ferðir Birnu frá því kl. 5 aðfaranótt laugardags eru beðnir um að hafa samband við lögreglu í síma 444-1000.
Vélsleðaslys: Þyrlan kölluð út á mesta forgangi
Gígbarmurinn hækkað frá því í gær
Eyjafjarðarbraut lokað vegna alvarlegs umferðarslyss
„Umsátursástand“
Tveir í bílnum sem lenti utan vegar
Kostnaður meiri en milljón á fermetra
Skiptir miklu meira máli en fólk grunar
Skemmtiferðaskip hætt komið nærri Viðey