Björgunarsveitir Slysavarnafélagsins Landsbjargar á höfuðborgarsvæðinu voru kallaðar út á áttunda tímanum í kvöld vegna göngumanns sem hafði hrasað í hlíðum Helgafells fyrir ofan Hafnarfjörð um fjögurleytið í dag.
Maðurinn, sem var einn á ferð, treysti sér ekki til að halda för sinni áfram án aðstoðar. Göngufólk sem gekk fram á manninn kallaði því á hjálp. Í fréttatilkynningu frá Landsbjörg segir að björgunarfólk hafi verið komið til mannsins laust fyrir hálfníu í kvöld.
Björgunarsveitarfólkið mun aðstoða hann niður af fjallinu og flytja til móts við sjúkrabíl.