Talsverður fjöldi fólks hefur safnast saman við hafnarsvæðið í Hafnarfirði vegna komu skipsins Polar Nanoq, en það kemur í fylgd danska varðskipsins HDMS Triton, auk þess sem sérsveitarmenn frá ríkislögreglustjóra tóku yfir stjórn skipsins um hádegi í dag.

Settir voru upp gámar til að takmarka sýn að skipinu þegar það kemur og hefur lögreglan lokað hafnarsvæðinu. Fjölmiðlafólki var þó hleypt örlítið nær, en er engu að síður um 300 metra frá hafnarbakkanum. Mjög kalt er úti og samkvæmt blaðamanni mbl.is eru flestir í bifreiðum sínum.

Ólíklegt er að nokkuð muni sjást frá þeim stað þar sem hefur verið lokað fyrir almenning, en Grímur Grímsson lögreglumaður sagði við mbl.is að gæta þyrfti réttinda mannanna þar sem þeir væru grunaðir en ekki dæmdir.

Björgunarsveitarfólk er einnig á hafnarsvæðinu, en samkvæmt blaðamanni er það enn að leita á svæðinu.

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt