Mikilvægt er að almenningur virði lokanir lögreglu við Hafnarfjarðarhöfn í kvöld, en gerðar hafa verið nokkrar ráðstafanir vegna komu Polar Nanoq nú fyrir miðnætti. Þetta segir Grímur Grímsson, yfirlögregluþjónn hjá lögreglunni á höfuðborgarsvæðinu, en hann stýrir rannsókn á hvarfi Birnu Brjánsdóttur.

Lögreglan hefur þegar handtekið þrjá skipverja um borð og verða þeir yfirheyrðir í kvöld. Þá mun einnig skýrslutaka fara fram yfir öðrum skipverjum, en Grímur tekur fram að þeir séu ekki taldir hafa tengst refsiverðri háttsemi.

Við Hafnarfjarðarhöfn hafa verið settir upp gámar til að byrgja sýn að skipinu þar sem það mun leggja að bryggju. Grímur segir að lögð sé áhersla á að þó að menn hafi verið handteknir þá sé komið fram við þá af mannúð og virðingu. „Þurfum að gæta að því að þetta eru ekki dæmdir menn heldur grunaðir,“ segir Grímur.

Grímur Grímsson lögreglumaður. Árni Sæberg

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt