Lögreglu grunar að bíllinn sem keyrði til og frá Hafnarfjarðarhöfn sé sá sami og sást á myndavélum á Laugavegi fyrr um nóttina og að Birna Brjánsdóttir hafi á einhverjum tímapunkti verið í bílnum. 

Grímur Grímsson sagði í Kastljósi í kvöld að lögreglu grunaði að um sama bíl sé að ræða. Þá er greint frá því á fréttavef Ríkisútvarpsins að lögregla telji að Birna hafi verið í bílnum sem lögregla lagði hald á en tímasetningin er óljós. 

Lögregla hefur staðfest að bílinn sem lagt var hald á sé sá sami og sést á myndavélum við Hafnarfjarðarhöfn. „Það er sami bíllinn,“ sagði Ein­ar Guðberg Jóns­son lög­reglu­full­trúi en vildi ekki staðfesta að bíllinn væri sá sami og sást í myndavél á Laugavegi.

Einar sagði að lögreglan telji að mennirnir tveir sem sjáist á myndavélum við höfnina séu séu þeir sömu og eru í gæsluvarðhaldi hjá lögreglu. „Við teljum að það séu þeir sem nota bílinn.“ 

Rauði Kia Rio bíllinn ekur niður Laugaveg.

Spurður hvort að eitthvað saknæmt hafi fundist í bílnum sagðist Einar ekki geta gefið neitt upp á þessum tímapunkti en líklega komi það í ljós á morgun. Þá gat hann ekki gefið upp hvort gögnin sem lögregla lagði hald á í græn­lenska tog­ar­an­um Pol­ar Nanoq hafi leitt eitthvað í ljós, þau séu enn í fullri vinnslu hjá tæknideild. 

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt