Lögreglan á höfuðborgarsvæðinu svipti ökumann ökuréttindum til bráðabirgða þegar hún stöðvaði hann á 160 km hraða á Kringlumýrarbrautinni skömmu eftir miðnætti í nótt. Heimilaður hámarkshraði á þessum stað er 80 km á klukkustund og því ljóst að maðurinn ók á tvöföldum hámarkshraða innanbæjar.
Um hálftvö í nótt var tilkynnt til lögreglu um innbrot í verslun í Austurbænum. Þar hafði rúða verið brotin í útihurð en ekki er vitað hvað var tekið.