Farið hefur verið fram á gæsluvarðhald yfir fjórða skipverjanum sem handtekinn var úr áhöfn Polar Nanoq. Maðurinn var handtekinn síðustu nótt eftir að ríflega 20 kíló af hassi fundust um borð í skipinu. Þetta staðfestir Grímur Grímsson, yfirlögregluþjónn hjá lögreglunni á höfuðborgarsvæðinu.
Farið var fram á gæsluvarðhald núna á tólfta tímanum í kvöld, en niðurstaða liggur ekki enn fyrir. Grímur segir að farið sé fram á gæsluvarðhald fram til næsta miðvikudags.