Birna fannst látin við Selvogsvita

Ásgeir Þór Ásgeirsson yfirlögregluþjónn, Sigríður Björk Guðjónsdóttir lögreglustjóri og Grímur ...
Ásgeir Þór Ásgeirsson yfirlögregluþjónn, Sigríður Björk Guðjónsdóttir lögreglustjóri og Grímur Grímsson yfirlögregluþjónn sátu fyrir svörum á blaðamannafundi lögreglunnar í dag. mbl.is/Eggert Jóhannesson

Birna Brjánsdóttir, stúlkan sem leitað hefur verið að í rúmlega viku, fannst látin í dag. Umfangsmikil leit hefur staðið yfir að henni alla helgina. Áhöfn þyrlu Landhelgisgæslunnar kom auga á lík í fjörunni við Selvogsvita á Reykjanesi fyrr í dag. Lögreglan telur að um Birnu sé að ræða en kennslanefnd ríkislögreglustjóra á eftir að staðfesta það með frekari rannsóknum.

Lögreglan telur yfirgnæfandi líkur á því að mennirnir tveir sem eru í gæsluvarðhaldi séu þeir sem beri ábyrgð á hvarfi hennar og hafi ráðið henni bana. Sá grunur lögreglunnar hefur styrkst enn frekar síðustu daga. 

„Við teljum að það séu yfirgnæfandi líkur á því að henni hafi verið ráðinn bani,“ sagði Grímur Grímsson yfirlögregluþjónn á blaðmannafundi lögreglunnar nú kl. 17. Hann segir líklegast að það hafi gerst í bílnum sem tvímenningarnir voru með á leigu. Ekki sé þó enn hægt að segja til um dánarorsök eða hvenær hún lést. Slíkt verður ekki staðfest fyrr en eftir nokkra daga.

Líkið fannst í fjöru skammt frá Selvogsvitanum og telur lögreglan líkur á því að það hafi rekið í fjöruna. Ekki er enn vitað hvaða leið mennirnir fóru með Birnu frá Hafnarfirði og út á Reykjanes.

„Þó að við teljum okkur búin að finna lík Birnu er leit ekki lokið og enn þá leitaraðgerðir í gangi í dag og í kvöld og næstu daga,“ sagði Ásgeir Þór Ásgeirsson yfirlögregluþjónn. 

Birna Brjánsdóttir.
Birna Brjánsdóttir.

Verið saknað í rúmlega átta sólarhringa

Birna var tvítug. Hún sást síðast á eftirlitsmyndavélum í miðborg Reykjavíkur kl. 5.25 að morgni laugardagsins 14. janúar, fyrir rúmlega átta sólarhringum.

Tveir menn eru í haldi, grunaðir um aðild að málinu. Þeir eru báðir skipverjar á grænlenskum togara, Polar Nanoq, sem lá við Hafnarfjarðarhöfn morguninn sem hún hvarf. Þeir voru handteknir af sérsveitarmönnum ríkislögreglustjóra um borð í skipinu laust eftir hádegi á miðvikudag. Þeir hafa neitað sök við yfirheyrslur lögreglu.

Fyrr í dag var staðfest að lífsýni sem fundust í rauðum Kia Rio-bíl, sem skipverjarnir voru með á leigu og lögreglan lagði hald á á þriðjudag, væru af Birnu. Áður hafði komið fram að meðal lífsýna sem fundust, og voru send til útlanda til frekari rannsóknar, hafi verið blóð.

Vísbendingar um rauða smábíla

Lögreglan segist hafa fengið vísbendingar um ferðir rauðra smábíla á Reykjanesi um það leyti sem Birna hvarf. „Það er þess vegna sem við vorum að einbeita okkur að Reykjanesinu til að byrja með. Það er möguleiki á að þessar vísbendingar hafi átt við rök að styðjast,“ sagði Ásgeir Þór.

Hvíti bíllinn, sem lögreglan lýsti eftir fyrir helgi, er enn ófundinn.

- Telst málið núna upplýst í meginatriðum?

„Það má segja að við höfum þokast mjög mikið áfram undanfarna daga,“ sagði Grímur. „Þetta er ákveðinn tímapunktur, þegar líkið finnst. Það er líka töluverð ... hvað á ég að segja? ... við erum komin á þann stað að við getum ekki lengur vonast til þess að finna Birnu á lífi. Sá tímapunktur er kominn og það er vendipunktur í þessu máli öllu saman. En við teljum okkur vel á veg komna með rannsóknina. Auðvitað eru fjölmargir hlutir sem við eigum eftir að skoða.“

Þekkti mennina ekki

Lögreglan sagði á fundinum að ekkert benti til þess að Birna hefði átt í samskiptum við mennina fyrr um kvöldið, þ.e. áður en hún fór upp í bílinn, líklega við hús nr. 31 við Laugaveg. Ljóst þyki að þau hafi ekki þekkst eða verið í samskiptum áður.

Lögreglan segir atburðarásina, eins og hún birtist henni, til dæmis varðandi ferðir bílsins og aðkomu mannanna tveggja, nokkuð ljósa. Hins vegar eigi eftir að kortleggja ferðir bílsins betur.  Unnið verði að því áfram, m.a. með upptökum úr eftirlitsmyndavélum, farsímagögnum og upplýsingum sem kunna að koma fram við yfirheyrslur á mönnunum. „Nú vitum við hvert við eigum að beina sjónum okkar,“ sagði Grímur.

Mennirnir tveir verða áfram yfirheyrðir á morgun eða þriðjudag. Þeir voru ekki yfirheyrðir um helgina. „Þeir eru núna í einangrun og vita væntanlega ekki af þessu,“ sagði Ásgeir Þór. Það sama megi segja um þá niðurstöðu að lífsýni úr bílnum séu af Birnu. Lögreglan hefur ekki upplýst mennina um það.

Ekki varpað í sjóinn af skipi

Lögreglan telur ekki koma til álita að Birnu hafi verið varpað í sjóinn af skipi. Hins vegar telur hún vel geta komið til greina að henni hafi verið komið fyrir í sjónum á öðrum stað en hún fannst á. 

Lögreglan segir ekki hægt að segja til um á þessari stundu hvort Birna hafi verið beitt kynferðisofbeldi. Hún staðfestir að verið sé að leita að vopni, en þó ekki einu ákveðnu. „Það kann að vera að henni hafi verið ráðinn bani með vopni. Þetta er til skoðunar,“ sagði Grímur.

Fjölskyldan þakkar stuðning

„Lögreglan á höfuðborgarsvæðinu þakkar öllum þeim sem hafa lagt óeigingjarnt starf af mörkum og á það ekki síst við um björgunarsveitir og almenning sem sendi inn margar ábendingar varðandi málið,“ sagði Sigríður Björk Guðjónsdóttir lögreglustjóri á fundinum í dag. Hún sagði fjölskyldu Birnu vilja koma á framfæri þökkum fyrir stuðninginn.

„Við vottum fjölskyldu Birnu og vinum innilega samúð,“ sagði Sigríður Björk. 

725 björgunarsveitarmenn hafa komið að leitinni að Birnu síðustu daga. Enn verður leitað vísbendinga á svæðinu í grennd við staðinn þar sem lík hennar fannst í dag.

mbl.is

Innlent »

Lok, lok og læs í Heiðmörk

19:45 Sett hafa verið upp skilti á jörð Elliðavatns í Heiðmörk þar sem hjólreiðar eru bannaðar á gamla göngustígnum sem þar er staðsettur. Skógræktarfélag Reykjavíkur hefur fengið margar athugasemdir frá hjólreiðafólki vegna ákvörðunarinnar. Meira »

Gefur vökudeild kolkrabba

19:20 Fyrirburar sem fá prjónaðan eða heklaðan kolkrabba í hitakassann braggast fyrr. Þetta segir Marella Steinarsdóttir sem undanfarna mánuði hefur safnað hekluðum og prjónuðum kolkröbbum fyrir vökudeild Barnaspítalans. Meira »

Blöskraði leyndarhjúpurinn

19:15 „Ég fékk fjölda spurninga frá almenningi og aðstandendum,“ segir Þór­hild­ur Sunna Ævars­dótt­ir, þingmaður Pírata í alls­herj­ar- og mennta­mála­nefnd. Hún óskaði í síðasta mánuði eftir spurningum frá almenningi er varða uppreista æru Roberts Downeys og ætlar að bera þær upp á nefndarfundi. Meira »

Bregðast öðruvísi við þrýstingi?

19:01 Verjandi Thomasar Möller Olsen spurði lögreglumann, sem bar vitni fyrir dómi í dag, hvort einhver skoðun hefði farið fram hjá lögreglunni á því hvort menningarlegur munur gæti verið á Íslendingum og Grænlendingum hvað ýmsa þætti varðaði, sem þyrfti að hafa að leiðarljósi við yfirheyrslur í sakamálum. Meira »

Rafmagnslaust á Breiðdalsvík

18:35 Rafmagnslaust hefur verið á Breiðdalsvík og næstu bæjum frá því um klukkan hálfþrjú í dag og er bilun í jarðstreng talin vera orsökin. Meira »

„Það má ekki byrgja þetta inni“

18:30 „Ég veit ekki hvað ég hef gert fólki til að eiga þetta skilið,“ segir Sema Erla Serdar, formaður Solaris – hjálparsamtaka fyrir hælisleitendur og flóttafólk á Íslandi. Sema birti í gær nokkur ummæli sem fólk hefur látið falla í hennar garð í kjölfar hryðjuverkaárásanna í Finnlandi og á Spáni. Meira »

Komið verði til móts við bændur

17:59 „Ég hef lagt mikla áherslu á, hvað varðar þennan skammtímavanda varðandi kjaraskerðingu, að fókusa á bændur. Ekki milliliðina sem slíka heldur hvernig raunverulega við getum komið til móts við bændur sjálfa,“ segir Þorgerður Katrín Gunnarsdóttir, sjávarútvegs- og landbúnaðarráðherra. Meira »

Nútímahippinn réttir hjálparhönd

18:20 Sverrir Björn Þráinsson er að eigin sögn eini starfandi grenningarráðgjafi Íslands. Hann hefur aðstoðað marga við að ná betri árangri í baráttunni við aukakílóin en sjálfur glímdi Sverrir við offitu á yngri árum. Fyrir þremur árum lagðist hann svo í flakk um Evrópu ásamt fjölskyldunni og búa þau nú á Spáni. Meira »

„Þetta er algjör viðbjóður“

17:51 „Þetta er algjör viðbjóður,“ segir Jóhannes Eggertsson, sem heldur úti Snapchat-aðganginum joalifið, en hann útbjó í gær aðgang að stefnumótavefnum Einkamál.is sem fjórtán ára gömul stúlka og fékk yfir 250 skilaboð frá körlum sem vildu komast í kynni við „stúlkuna“. Meira »

Missir félagslega íbúð vegna framkvæmda

17:36 Hæstiréttur staðfesti í dag dóm Héraðsdóms Reykjavíkur um að Félagsbústöðum hf. sé heimilt að bera mann út úr félagslegri íbúð í Reykjavík, þar sem rífa á húsið. Meira »

Búið að yfirheyra manninn

17:12 Búið er að yfirheyra ungan karlmann sem var handtekinn í gær í Leifsstöð eftir háskalega eftirför frá Reykjanesbraut að flugstöðinni. Þetta staðfestir lögreglustjórinn á Suðurnesjum. Meira »

Af og frá að þrýstingi hafi verið beitt

17:12 Nikolaj Wilhelm Herluf Olsen var útilokaður sem sakborningur í máli þar sem Thomasi Möller Olsen er gefið að sök að hafa banað Birnu Brjánsdóttur 14. janúar síðastliðinn, meðal annars af því ekki fundust lífsýni úr Birnu á fötum hans, líkt og á fötum Thomasar. Meira »

Stöðva dreifingu mjólkur frá Viðvík

17:01 Matvælastofnun hefur stöðvað dreifingu mjólkur frá bænum Viðvík í Skagafirði. Í tilkynningu frá MAST segir að ástæða dreifingarbannsins, sem er tímabundið, sé sú að eftirlitsmanni Matvælastofnunar hafi verið meinaður aðgangur að eftirlitsstað. Meira »

Ungir Íslendingar fá viðurkenningu

16:14 Um hundrað tilnefningar bárust dómnefnd Framúrskarandi ungra Íslendinga verðlaunanna sem árlega eru veitt af JCI samtökunum á Íslandi. Verðlaunin eru hugsuð sem hvatningarverðlaun fyrir ungt fólk sem er að hafa jákvæð áhrif á samfélagið á einn eða annan hátt. Meira »

Fengu tilkynningu um vopnaburð við Tækniskólann

15:30 Lögregla fékk tilkynningu um að menn bæru vopn inn í húsnæði Tækniskólans við Háteigsveg, sem reyndist ekki vera rétt.  Meira »

Anna Elísabet lýðheilsusérfræðingur Kópavogs

16:55 Anna Elísabet Ólafsdóttir, doktor í lýðheilsufræðum, hefur verið ráðin sérfræðingur í lýðheilsumálum hjá Kópavogsbæ, en um er að ræða nýja stöðu hjá bænum. Anna Elísabet hefur undanfarin fjögur ár starfað sem aðstoðarrektor og sviðsstjóri þróunar- og alþjóðasviðs Háskólans á Bifröst. Meira »

Sögðu lögregluna hafa öskrað á sig

16:02 „Lögreglan kom mjög illa fram við mig og ég var mjög stressaður,“ sagði Thomas Møller Olsen í Héraðsdómi Reykjaness í dag þar sem aðalmeðferð fer fram í sakamáli gegn honum vegna ákæru um að hann hafi ráðið Birnu Brjánsdóttur bana um miðjan janúar á þessu ári. Meira »

Fara yfir öryggi og aðgengi við Leifsstöð

15:20 Starfshópur sem fjallar um öryggis- og aðgengismál við Flugstöð Leifs Eiríkssonar kom til fundar í dag en starfshópnum var komið á laggirnar í kjölfar atviksins í gær þegar ökumaður keyrði í gegnum aðgangshlið og að flugstöðinni þar sem hann klessti bílinn. Mikið mildi var að enginn skyldi slasast. Meira »
ÚTSALA Varahlutir TOYOTA RAV 4 2000 TIL 2003
Framleiðandi Toyota Tegund Jeppi Ár 2002 Akstur 189.000 Eldsneyti Bensín ...
Stofuskápur úr furu til sölu.
Skápur úr furu ,hentar vel í sumarbústaðinn 9000 þúsund kr., hæð 200 cm, breidd...
NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
 
Félagsstarf
Staður og stund
Árskógar Hádegismatur, mexíkanskur hakkr...
Háseti
Sjávarútvegur
Háseti Vísir hf óskar eftir a...
Framhald uppboðs
Nauðungarsala
Uppboð Einnig birt á www.naudungarsolu...
Vélavörður
Sjávarútvegur
Vélavörður Vísir hf. óskar ef...