Fréttir af því að lík Birnu Brjánsdóttur hafi fundist við Selvogsvita eru ofarlega hjá fréttamiðlum á Norðurlöndum. Á nokkrum vefsíðum er fréttin ýmist mest lesin eða efst forsíðunni.
Grænlenskir fjölmiðlar voru fljótir að segja frá fundinum enda hefur málið snert þjóðina djúpt. Á einum helsta helsta fréttavef Grænlands stendur „Birna er fundin“. Greint hefur verið frá því að hópur Grænlendinga ætli að safnast saman í kvöld til að kveikja á kertum fyrir Birnu.
Frétt mbl.is:Grænlendingar kveikja á kertum fyrir Birnu
Á danska fréttavefnum BT er fréttin á efsta borðanum þar sem stendur „20 ára Birna fundin: Lá dáin við Íslandsstrendur.“
Málið hefur valið talsverða athygli í Danmörku og er fréttin sú mest lesna á fréttavef TV2 en þar er ranglega fullyrt í fyrirsögnina að Birna hafi fundist á strönd við Reykjavík.
Þá er einnig fjallað um málið á norsku fréttavefsíðunni Dagbladet.no.