30-35 m/s undir Hafnarfjalli

Reiknað er með snörpum vindhviðum, 30-35 m/s, með morgninum og fram undir kl. 9-10 undir Hafnarfjalli og um svipað leyti einnig á norðanverðu Snæfellsnesi, samkvæmt tilkynningu frá Vegagerðinni. 

Umferðartafir verða í dag við brúna yfir Blöndu á Blönduósi frá kl. 10:00 til kl 17:00 vegna steypuvinnu.

Greiðfært er að mestu á Suður- og Vesturlandi. Hálka er á Holtavörðuheiði en þæfingur á Bröttubrekku. Á Vestfjörðum er víða hálka eða hálkublettir og snjóþekja.

Á Norðurlandi eru hálkublettir en eitthvað er um hálku á útvegum og á fjallvegum á Norðausturlandi. Á Austurlandi er einnig hálka eða hálkublettir á vegum sem og með suðausturströndinni.

• Blogga um frétt