Hæstiréttur staðfesti gæsluvarðhaldsúrskurð Héraðsdóms Reykjaness yfir skipverjunum tveimur sem grunaðir eru um að hafa myrt Birnu Brjánsdóttur. Ekki var fallist á fjögurra vikna gæsluvarðhald.
Lögregla krafðist þess að mennirnir yrðu úrskurðaðir í fjögurra vikna gæsluvarðhald en héraðsdómur úrskurðaði þá í tveggja vikna varðhald á föstudaginn. Úrskurður héraðsdóms um að skipverjarnir af grænlenska togaranum Polar Nanoq sættu tveggja vikna gæsluvarðhaldi var byggður á grunsemdum um manndráp.
Lögregla kærði úrskurðinn um gæsluvarðhaldið til Hæstaréttar, sem staðfesti úrskurð héraðsdóms.