Guðni sendir samúðarkveðjur

Guðni Th. Jóhannesson, forseti Íslands.
Guðni Th. Jóhannesson, forseti Íslands. mbl.is/Árni Sæberg

Guðni Th. Jóhannesson, forseti Íslands, hefur sent foreldrum Birnu Brjánsdóttur innilegar samúðarkveðjur.

Þetta kemur fram í tilkynningu á vef embættisins.

„Orð fá ekki linað hina miklu sorg en minningin um Birnu, þessa ungu og björtu stúlku, sem var tekin frá okkur í blóma lífsins, mun ætíð lifa með íslenskri þjóð,“ skrifar Guðni þar.

Um leið segist hann vilja koma á framfæri þökkum til björgunarsveitarfólks, lögreglu og annarra sem leituðu að Birnu og rannsökuðu hvarf hennar.

„Í samstöðu og einhug eigum við Íslendingar mikinn styrk.“

mbl.is
Fleira áhugavert
Fleira áhugavert