Lögreglan á höfuðborgarsvæðinu hefur ekki óskað eftir aðstoð björgunarsveita í dag og lítur Slysavarnafélagið Landsbjörg svo á að hlutverki þess sé lokið eftir að leit lauk í gærkvöldi nema eitthvað nýtt komi fram sem gefi tilefni til frekari leitar. Þá verði að sjálfsögðu brugðist við, segir Þorsteinn G. Gunnarsson, upplýsingafulltrúi Slysavarnafélagsins Landsbjargar.

Alls ekki sé útilokað að lögreglan óski eftir því að einhver svæði verði skoðuð aftur eða leitað á nýjum svæðum og þá geri björgunarsveitirnar það. Undanfarna viku hefur lögregla og svæðisstjórn björgunarsveita hist á fundi daglega til þess að fara yfir stöðu mála varðandi rannsókn á hvarfi Birnu Brjánsdóttur en enginn slíkur fundur hefur verið boðaður í dag.

Áhöfn þyrlu Landhelgisgæslunnar, auk sérhæfðra björgunarsveitarmanna sem voru með um borð, fundu Birnu látna eftir hádegi í gær. Rúmlega átta dagar voru þá liðnir frá hvarfi hennar.

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt