Mikið fjölmenni var við útför Birnu Brjánsdóttur sem fram fór frá Hallgrímskirkju í Reykjavík í dag. Var hvert sæti skipað en athöfnin hófst í kirkjunni klukkan þrjú.

Kveðjur voru lesnar upp, meðal annars frá Agnesi M. Sigurðardóttur, biskupi Íslands, og heimilisfólkinu á Sólheimum í Grímsnesi. Séra Vigfús Bjarni Albertsson sá um athöfnina en kistuberar voru vinir Birnu.

Einsöng fluttu Páll Óskar Hjálmtýsson, Jóhann Helgason og Ellen Kristjánsdóttir. Kórsöngur var í höndum karlakórsins Fóstbræðra og Schola cantorum.

Erfidrykkja fór síðan fram í flugskýli Landhelgisgæslunnar á Reykjavíkurflugvelli. Aðstandendur Birnu hafa bent þeim sem vilja minnast hennar á að styrkja Slysavarnafélagið Landsbjörg.

Fjölskylda Birnu óskaði eftir því að fjölmiðlar sýndu nærgætni í umfjöllun sinni um útförina, og tækju ekki nærmyndir af syrgjandi fólki.

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• 1 blogg um fréttina

Bloggað um fréttina

• Þorsteinn H. Gunnarsson: Sjóslysin á Nýfundnalandsmiðum og Reykjanesröst 1959