Öll inngrip eru „neyðarbrauð“
Setja bókamerki
„Ég fylgist vel með og boða fund um leið og ég held að það hafi einhverja þýðingu,“ segir Bryndís Hlöðversdóttir ríkissáttasemjari um kjaradeilu sjómanna.
Hún segist hafa tekið stöðuna í morgun en þá hafi ekkert nýtt verið í gangi. „Auðvitað er ég í daglegu sambandi við þau og fylgist með hvort eitthvað sé að gerast.“
Spurð út í vangaveltur um lagasetningu til að binda enda á kjaradeiluna segir hún að alltaf sé best að kjaradeilur séu leystar með samningum.
„Það er hið eðlilega. Öll inngrip inn í það eru neyðarbrauð. Ég geri ráð fyrir að aðilar óski þess sjálfir að það sé alltaf best að ná samningum. Ef sú ákvörðun verður tekin að löggjafinn ætli að blanda sér inn í málin eru málin komin svolítið úr mínum höndum.“
Síðasti fundur hjá ríkissáttasemjara var haldinn á fimmtudaginn í síðustu viku. Ekki má líða lengri tími en tvær vikur þangað til næsti fundur í deilunni verður haldinn.
Samninganefndir sjómanna hittust á fundi klukkan 13 í dag í húsi Alþýðusambands Íslands. Þar ætluðu menn að reyna að finna lausnir og leiðir til að hægt yrði að ná samkomulagi við útgerðarfyrirtækin.
Innviðir þandir og álagið „gríðarlegt“
„Menn eru bara búnir að forgangsraða“
Fjárfestingin 115 milljarðar króna
Kvikan virðist nú skiptast til helminga
Þrjú og hálft ár fyrir skotárás í Úlfarsárdal
Hægagangur og vaxandi ókyrrð
Færa slökkviliðið til nútímans
29 nautgripir fundust dauðir