Valmundur Valmundsson, formaður Sjómannasambands Íslands, segir að það komi til greina að funda með sjávarútvegs- og landbúnaðarráðherra á næstunni vegna sjómannadeilunnar.
„Ef hún kallar. Ef við þurfum að gera það þá gerum við það,“ segir Valmundur. Hann segir að sjómenn hafi verið í samskiptum við ráðherra til að láta hann vita af stöðu mála í deilunni.
Valmundur greindi frá því í gær að enginn samningur yrði gerður nema ríkið kæmi til móts við deiluaðila með breytingum á skattkerfinu sem miða af því að fæðispeningar sjómanna verði skattfrjálsir.
Hvernig meturðu stöðuna núna?
„Hún er hundleiðinleg. Það er bara verkfall og ekkert nema járn í járn í deilunni," segir hann.
Enginn fundur er fyrirhugaður hjá samninganefnd sjómanna í dag vegna deilunnar en sjómenn höfnuðu móttilboði Samtaka fyrirtækja í sjávarútvegi í gær.