„Við höfum verið hérna í húsi, erum að sjá hvernig kvöldinu líður aðeins, hvort að sjómenn hringi til baka,“ segir Jens Garðar Helgason, formaður SFS, í samtali við mbl.is.

Samið hefur verið um öll mál í kjara­deil­u sjómanna og útgerðarinnar nema um eitt atriði, er varðar mögu­leg­an skatta­afslátt af fæðis­pen­ing­um sjó­manna. 

„Samningur er kominn okkar á milli en útaf stendur þetta atriði,“ útskýrir Jens Garðar. Sjómenn hafa lýst því yfir að þeir vilji sitja við sama borð og annað launafólk sem starfar sambærilegar aðstæður, þ.e. vinnur fjarri heimili sínu og fjölskyldu, og telja sjómenn að um sé að ræða réttlætismál fyrir stétt sjómanna.

Frétt af mbl.is

Réttlætismál fyrir sjómenn

„Það er kominn samningur milli okkar og sjómanna og nú eru sjómenn að ræða við stjórnvöld,“ útskýrir Jens Garðar. „Við höfum verið að bíða eftir því, hvort að einhver niðurstaða hafi komið í það og ég hef ekkert talað við ráðherra í dag.“

Boltinn sé því hjá hjá sjómönnum sem stendur.

„Við erum í sambandi og við sjáum svo til hvort að við förum heim að sofa á eftir eða ekki,“ segir Jens Garðar að lokum.

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

• 1 blogg um fréttina

Bloggað um fréttina

• Hjördís Vilhjálmsdóttir: Á að niðurgreiða matinn fyrir allt launafólk í landinu úr …