Japanskur andi sveif yfir vötnum í menningarhúsum Borgarbókasafnsins í dag þar sem Heimsdagur barna var haldinn hátíðlegur í 13. sinn.
Í ár var dagurinn með japönsku ívafi og var meðal annars hægt að kynna sér heim japanskra myndasagna, búa til japönsk óskabönd, máta japanskan þjóðbúning, fá japanska andlitsmálningu, gera noh-grímu, búa til flugdreka, skrifa nafnið sitt með japönsku letri, smakka grænt japanskt te, leita að pókemonum, læra undirstöðuatriði í jiu-jitsu og margt fleira.
Dagskráin fór fram í fjórum af sex menningarhúsum Borgarbókasafnsins; í Gerðubergi, Spönginni, Kringlunni og Sólheimum og kíkti Eggert Jóhannesson ljósmyndari á tvö söfn af þessu tilefni í dag, Kringlunni og Sólheimum.