Samið í kjaradeilu sjómanna

Frá undirritun samningsins í Karphúsinu í nótt. Fyrir miðju er …
Frá undirritun samningsins í Karphúsinu í nótt. Fyrir miðju er Bryndís Hlöðversdóttir ríkissáttasemjari. Vinstra megin við Bryndísi eru fulltrúar SFS en henni til hægri eru fulltrúar sjómanna. mbl.is/Eggert Jóhannesson

Samningar náðust í kjaradeilu sjómanna á þriðja tímanum í nótt. Hafði samningafundur sjómanna og Samtaka fyrirtækja í sjávarútvegi þá staðið yfir í Karphúsinu síðan klukkan 22 í kvöld.

Fundurinn hófst að loknum fundum deiluaðila með Þorgerði Katrínu Gunnarsdóttur, sjávarútvegs- og landbúnaðarráðherra, og starfsmönnum ráðuneytisins. Á fundinum lagði Þorgerður fram málamiðlunartillögu en samningurinn byggir ekki á tillögu Þorgerðar samkvæmt heimildum mbl.is. 

Samningar undirritaðir í nótt.
Samningar undirritaðir í nótt. mbl.is/Eggert

Verkfalli sjómanna verður ekki aflýst samstundis líkt og er oft gert þegar samningar nást, heldur vill samninganefnd Sjómannasambandsins að samningurinn verði samþykktur í atkvæðagreiðslu meðal sjómanna áður. Er það vegna þess að samningar sem gerðir hafa verið í deilunni hafa í tvígang verið felldir í kosningu. 

Í tilkynningu frá SFS segir að til viðbótar við þann samning sem sjómenn felldu í atkvæðagreiðslu í desember hafi náðst sátt um breytingu á olíuverðsviðmiði, endurgjaldslaust fæði, að útgerðir láti sjómönnum í té allan öryggis- og hlífðarfatnað, bætta framkvæmd í fjarskiptamálum, sérstaka kaupskráruppbót og að heildarendurskoðun fari fram á kjarasamningum á samningstímanum.

mbl.is/Eggert

Þá segir SFS að það sé von félagsins að með gerð kjarasamninga nú megi skapa grunn að sátt í atvinnugreininni til langrar framtíðar.

Glatt var á hjalla eftir að samningar tókust. Gunnþór Ingvason, …
Glatt var á hjalla eftir að samningar tókust. Gunnþór Ingvason, framkvæmdastjóri Síldarvinnslunnar, og Guðmundur Ragnarsson, formaður VM, stilltu sér upp fyrir myndatöku. mbl.is/Eggert
Heiðrún Lind Marteinsdóttir, framkvæmdastjóri SFS, tekur í hönd eins nefndarmanns …
Heiðrún Lind Marteinsdóttir, framkvæmdastjóri SFS, tekur í hönd eins nefndarmanns í samninganefnd sjómanna. mbl.is/Eggert Jóhannesson
mbl.is

Bloggað um fréttina

Fleira áhugavert
Fleira áhugavert