„Ég er ekkert svartsýnn, ég held að þetta verði samþykkt, miðað við hvernig viðtökurnar voru hér hjá mínum mönnum.“ Þetta segir Konráð Þorsteinn Alfreðsson, varaformaður Sjómannasambands Íslands og formaður Sjómannafélags Eyjafjarðar, um atkvæðagreiðslu sjómanna um nýjan kjarasamning.

Hann segir kjörsóknina hafa verið góða í Eyjafirði, eða 54,5%, en í kringum 260 eru á kjörskrá félagsins.

„Þar sem farið var almennilega yfir þetta, þar held ég að menn kunni að meta þetta,“ segir Konráð í samtali við mbl.is. 

Frétt af mbl.is

„Væri glapræði að fella þetta“

„Ég trúi því að menn nái kjarasamningi og að við verðum með samning, en ekki lög, yfir okkur næstu tvö árin.“

Ef samningurinn verður felldur, segir Konráð að lítið muni gerast.

„Annað en það að Þorgerður Katrín mun leggja fram frumvarp um lög á sjómenn,“ segir hann og bætir við, aðspurður, að deiluaðilar muni líklega ekki koma saman aftur í bráð, verði samningurinn felldur.

„Það er ekkert til að hittast yfir. Við vorum komin alveg í botn í þessu máli. Það er ekkert meira í boði.“

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Að ég skuli ekki heita eitthvað meira en maður