Íslenskur tippari sem styður við bakið á Bridgesambandi Íslands vann rúmar fjórar milljónir króna á laugardaginn eftir að hafa fengið 13 rétta í enska boltanum.
Í tilkynningu frá Íslenskri getspá kemur fram að tipparinn hafi unnið 4.125.860 krónur. Hann var með eigið kerfi og keypti 1.000 raðir sem kosta 13 þúsund krónur.
Í tilkynningunni kemur einnig fram að risapottur sé á laugardaginn næsta þar sem vinningsupphæðin fyrir þrettán rétta sé rúmar 120 milljónir króna.