Hálka um allt land

Hálka er á Hellisheiði og í Þrengslum. Hálka eða hálkublettir er á flestum leiðum á Suðurlandi. Hálka eða hálkublettir er á Vesturlandi. Hálka er á Holtavörðuheiði.

Á Vestfjörðum er hálka, hálkublettir eða snjóþekja á flestum leiðum. Þungfært er úr Bjarnarfirði á Ströndum norður í Árneshrepp.

Hálka, hálkublettir eða snjóþekja er á Norðurlandi og eitthvað um éljagang. Þungfært er á Hólasandi. Ófært er á Hófaskarði og Hálsum.

Á Austurlandi er hálka, hálkublettir eða snjóþekja á flestum leiðum. Þungfært er á Fjarðarheiði en þæfingur á Oddsskarði. Ófært er á Vatnsskarði eystra, Breiðdalsheiði og Öxi.

Hálkublettir eru víða með Suðausturströndinni, segir í tilkynningu frá Vegagerðinni.

• Blogga um frétt