Fyrsta Nýsköpunarmót Álklasans

„Það var gaman að sjá hversu margir mættu á fyrsta Nýsköpunarmót Álklasans, en lagt er upp með að það verði árlegur viðburður,“ segir Pétur Blöndal, framkvæmdastjóri Samáls og stjórnarmaður í Álklasanum.

„Með viðburðum á borð við þennan er lagður grundvöllur að rannsóknum, nýsköpun og tækniþróun í Álklasanum. Mörg spennandi verkefni voru kynnt, bæði verkefni sem eru á frumstigi og eins verkefni sem þegar hafa skilað árangri.“

Að Nýsköpunarmótinu standa ásamt Álklasanum, Háskóli Íslands, Háskólinn í Reykjavík, Samál og Samtök iðnaðarins.