Tíu bústnar heiðlóur í vetrarbúningi voru að fá sér í gogginn í Sandgerði á sunnudaginn var.
„Sennilega eru þetta vetursetufuglar,“ sagði Guðmundur Falk, fuglaljósmyndari í Sandgerði. „Auk þess voru þarna tvær sandlóur. Það er mjög sjaldgæft að sjá hér sandlóur um miðjan vetur. Þær voru ljónstyggar og farnar með það sama.“
Guðmundur sagði að heiðlóurnar væru í leirnum við Sandgerði að tína upp í sig sandorma og burstaorma. Það væsti ekki um þær.