Ein kjaradeila er á borði ríkissáttasemjara sem stendur. „En við erum að búa okkur undir næstu lotu,“ segir Elísabet S. Ólafsdóttir skrifstofustjóri.
Hún segir að margir kjarasamningar verði lausir á þessu ári og kunni sumir þeirra að verða erfiðir úrlausnar og krefjast þátttöku ríkissáttasemjara. Það eigi eftir að koma í ljós.
Meðal samninga sem eru lausir nú þegar eru kjarasamningar lækna og hefur Læknafélag Íslands verið að undirbúa kröfugerð sína. Í sumar rennur svo út gerðardómur í máli BHM-félaganna og ríkisins. Einnig samningur BHM við Samtök fyrirtækja í velferðarþjónustu. Þessar kjaradeilur kunna að rata til ríkissáttasemjara, að því er fram kemur í Morgunblaðinu í dag.