Sundabraut passar gjaldtöku ráðherra

Jón Gunnarsson samgönguráðherra segir borgarbúa þurfa að vera raunhæfa varðandi ...
Jón Gunnarsson samgönguráðherra segir borgarbúa þurfa að vera raunhæfa varðandi óskir um legu Sundabrautar. mbl.is/Sigurður Bogi Sævarsson

Sundabraut er vegaframkvæmd sem vel gæti fallið undir gjaldtökuhugmyndir Jóns Gunnarssonar samgönguráðherra. Þetta staðfesti ráðherrann í þættinum Víglínan á Stöð 2 í hádeginu. „Sundabraut er stórmál,“ sagði Jón.

Hjálmar Sveinsson borgarfulltrúi kvaðst hins vegar ekki vita hversu mikilvæg Sundabraut sé, það hafi komið sér á óvart að Mosfellingar lögðu ekki jafnmikla áherslu á hana og hann hefði ætlað. „Ég ætla þó ekki að gera lítið úr því að hún sé mikilvæg til framtíðar, enda var ákveðið við gerð síðasta aðalskipulags að taka hana ekki í burtu,“ sagði hann.

Verða að vera raunsæ varðandi kostnað Sundabrautar

Ráðherrann segir borgaryfirvöld þó verða að vera raunsæ varðandi kostnaðarhlutann í því hvaða leiðir standi til boða.  „Þessi ytri leið hún kostar okkur kannski um 100 milljarða á meðan við getum gert innri leiðina fyrir 50 milljarða. Það verður auðvitað að vera eitthvað raunsæi í því. Þessi þjóð getur ekkert hagað sér þannig þegar það kemur að útgjöldum fyrir þennan málaflokk frekar en aðra. Við verðum að vera raunsæ og skynsöm í því.“

Hugmyndir Jóns um vegatolla hafa verið í umræðunni undanfarið. „Þessi hugmynd þarf aðeins að þroskast og fá góða umræðu,“ sagði hann og staðfesti að hugmyndir sínar um gjaldtöku á stofnleiðum frá höfuðborginni feli í sér að fé til samgöngumála á fjárlögum yrði þá nýtt í framkvæmdir annars staðar.

Sagði hann, líkt og áður hefur komið fram, að ráðuneytið sé nú að vinna að því að skilgreina höfuðleiðir út úr höfuðborginni, frá Keflavíkurflugvelli að Hafnarfirði, suður um land austur á Selfoss og svo vestur um og upp í Borgarnes.

„Á öllum þessum leiðum eru mjög fjárfrekar framkvæmdir sem verður að bregðast við,“ sagði Jón og nefndi slysin á Reykjanesbraut sem dæmi. „Ef hægt er að taka þessar fjárfreku framkvæmdir út fyrir sviga og fjármagna þær frekar með gjaldtöku, sem yrði þá að vera hófleg gagnvart þeim sem fara oft um. Þá værum við að horfa til ferðamannastraumsins, sem er rót vandans, og láta ferðamennina taka sem mestan þátt í uppbyggingunni.“

Ekki ósammála gjaldtökuhugmyndum

Gjaldtökuhugmyndin mætti vissum skilningi hjá Hjálmari sem segist ekki ósammála hugmyndinni um vegatolla. „Þetta er þekkt aðferð víða um heim,“ sagði hann.

„Út frá prinsippinu þá er ekki óeðlilegt að þeir sem nýta ákveðna innviði mest borgi heldur meira en þeir sem nota þá aldrei.“ Eins sé rétt hjá ráðherra að jafnmikil aukning ferðamanna og verið hefur hafi breytt hlutunum. Nefndi hann sem dæmi að borgaryfirvöld hefðu hækkað einskiptisgjald í sund til að niðurgreiða ekki sundferðir ferðamanna. „Þetta eru aðferðir sem ferðamannaborgir nota til að fá eitthvað á móti þeim mikla kostnaði sem ágangur ferðamanna felur í sér.

Ég hef því skilning á þessu í prinsippinu, en ég hef efasemdir um að slíkur tollur yrði notaður til framkvæmda einhvers staðar annars staðar á landinu.  Ég held að margir Reykvíkingar myndu telja að það gangi ekki,“ sagði Hjálmar.

mbl.is

Bloggað um fréttina

Innlent »

Viðhaldi ekki sinnt fyrr en í neyð

Í gær, 23:07 Ástand húsnæðis leikskóla í Reykjavík er víða slæmt og þarfnast bæði hús og lóðir viðhalds og endurbóta. Borgaryfirvöld drógu úr öllu viðhaldi árið 2008, í kjölfar hrunsins, og síðan þá hefur viðhaldi lítið verið sinnt og ekki er farið í endurbætur fyrr en komið eru upp neyðarástand, að sögn leikskólastjóra. Meira »

Vara við hringingum úr svikanúmeri

Í gær, 22:29 Fjölmargar ábendingar berast nú lögreglu vegna sjálfvirkra hringinga úr erlendu símanúmeri. Er þá hringt og skellt á nær samstundis þannig að símanúmerið situr eftir í hringilista viðkomandi. Telur lögregla líklegt að um svikanúmer sé að ræða. Meira »

Góða veðrið flytur vestur í vikunni

Í gær, 21:52 Spáð er blíðskaparveðri á Norðvesturlandi næstu tvo daga en þá tekur að kólna lítillega. Hins vegar verður 12-14 gráðu hiti og skýjað á Suðvesturlandi á morgun og hinn en svo hlýnar eftir því sem líður á vikuna. Þetta segir vakthafandi veðurfræðingur á Veðurstofu Íslands. Meira »

Börnin eru mín besta lyfjagjöf

Í gær, 20:40 Arnrún Magnúsdóttir hefur gengið í gegnum miklar hremmingar síðustu misseri. Rúmt ár er síðan hún fékk tvívegis blóðtappa í höfuðið með stuttu millibili. Hún og eiginmaður hennar, Friðrik V. Karlsson, ráku árum saman veitingastaðinn Friðrik V við góðan orðstír. Þau lokuðu staðnum er hún veiktist. Meira »

50% starfsmanna orðið fyrir ofbeldi

Í gær, 19:51 Um helmingur barnaverndarstarfsmanna í Reykjavík segist hafa orðið fyrir ofbeldi í starfi af hálfu aðstandenda barnanna. Samkvæmt nýlegri viðhorfskönnun, sem greint var frá í kvöldfréttum Stöðvar 2, hafa 50% starfsmanna Barnaverndar Reykjavíkur orðið fyrir einhvers konar aðkasti. Meira »

2 starfsmenn á hvert leikskólabarn

Í gær, 19:20 Misjafnt er hvernig sumarfríi leikskólanna er háttað. Í Reykjavík eru allir leikskólar lokaðir yfir sumarið, í flestum tilfellum í fjórar vikur. Í Garðabæ eru leikskólarnir opnir allt árið og þessa dagana eru starfmenn helmingi fleiri en börnin. Meira »

25 stig, blankalogn og glampandi sól

Í gær, 17:30 Það var sannkölluð veðurblíða í Hallormsstaðarskógi í dag. Hitastigið fór upp í 25 gráður samkvæmt löggiltum hitamælum á svæðinu og segir aðstoðarskógarvörður að í skógarrjóðrum hafi það líklega verið nær 26 eða 27 stigum. Meira »

„Markmiðið að koma lifandi í mark“

Í gær, 18:27 Frændsystkinin Gauti Skúlason og Ásthildur Guðmundsdóttir ætla að fara saman hálfmaraþon í Reykjavíkurmaraþoninu þann 19. ágúst næstkomandi, eða 21 kílómetra. Þrátt fyrir að Gauti muni hlaupa vegalendina og Ásthildur sitja í sérsmíðuðum hlaupahjólastól, þá eru þau að gera þetta saman. Meira »

Sóttu slasaðan göngumann við Helgufoss

Í gær, 16:38 Tilkynnt var um slasaðan göngumann við Helgufoss í Mosfellsdal í dag en þar hafði fjölskylda verið í göngu þegar amman missteig sig og slasaðist á ökkla. Meira »

Pottur brann yfir í Garðabæ

Í gær, 16:32 Pottur brann yfir í Boðahlein í Garðabæ í dag. Samkvæmt upplýsingum frá slökkviliði var nokkur viðbúnaður þegar fyrst var tilkynnt um atvikið en þegar fyrsti dælubíll mætti á vettvang var öðrum bílum snúið við. Meira »

Á bráðamóttöku á Íslandi

Í gær, 16:30 Ferð til Íslands í raunveruleikaþáttunum The Real Housewives fór ekki eins og ætlað var.  Meira »

Á HM þrátt fyrir svakalega byltu

Í gær, 16:25 Fáir reiknuðu með að knapinn Svavar Hreiðarsson og hryssan Hekla myndu komast á HM í Hollandi í ágúst eftir að hafa dottið illa í júní. Svavar hlaut miklar blæðingar í vöðvum en hann náði þó takmarkinu og er á leið til Hollands. Hann er jafnframt fyrsti landsliðsknapinn með MS-sjúkdóminn. Meira »

Árekstur á Ólafsfjarðarvegi

Í gær, 16:22 Ólafsfjarðarvegur er lokaður vegna bílslyss en vegurinn er lokaður við Syðri-Haga. Þetta kemur fram í tilkynningu frá lögreglunni á Norðurlandi eystra. Meira »

Lóðalagerinn tæmdist

Í gær, 14:50 Nær öllum lausum lóðum í Grindavík hefur verið úthlutað og skortur er á húsnæði. Þótt húsnæðismál séu ofarlega á baugi er það þó helsta kappsmál bæjarins að ná því í gegn að endurbætur verði gerðar á Grindavíkurvegi. Meira »

Drep í húð eftir fitufrystingu

Í gær, 13:45 Engar reglur eða lög eru til um hver megi bjóða upp á fitufrystingu eða sprautun fylliefna undir húð. Formaður félags íslenskra lýtalækna, Halla Fróðadóttir, telur að þetta þurfi að endurskoða en í dag falla þessar meðferðir ekki undir heilbrigðisstarfsemi. Meira »

Ók á umferðarljós og ljósastaur

Í gær, 15:00 Bifreið var ekið á umferðarljós og ljósastaur við Gullinbrú í Grafarvogi í Reykjavík núna seint á þriðja tímanum í dag. Samkvæmt upplýsingum frá slökkviliðinu á höfuðborgarsvæðinu voru tveir í bílnum. Meira »

Kannabismoldin á borði lögreglu

Í gær, 14:26 Lögreglan er búin að kanna vettvanginn á jörðinni Miðdal 1 við Nesjavallaleið þar sem mikið magn af kannabismold var skilið eftir ásamt umbúðum af áburði og vökvakerfi. Landeigandinn segir að ræktendurnir hefðu einnig skilið eftir sig vísbendingar sem lögregla geti nýtt til að hafa uppi á þeim. Meira »

Skjálfti í Mýrdalsjökli

Í gær, 13:06 Skjálfti að stærð 3,2 með upptök við Austmannsbungu í Mýrdalsjökli mældist klukkan 22:18 í gærkvöldi. Fáeinir eftirskjálftar fylgdu í kjölfarið. Meira »
Fyrir verslunarmannahelgina !!!
Til sölu 2ja manna tjald. Verð kr 4000. 4 manna tjald Verð kr 10000. Samanbrjót...
Rúmnuddari á 7800 kr. Andlitspúði sem fer undir rúmdýnur , vatns og olíuheldur
Rúmnuddari Andlitspúði sem fer undir rúmdýnur , vatns og olíuheldur kr 7800. ...
Yamaha Virago
Til sölu Yamaha Virago xv700 árg.84. Gamal og góður hippi í ágætu standi. Verð k...
Gott skrifstofuhúsnæði til leigu.
Til leigu er 197 ferm. skrifstofuhúsnæði við Bíldshöfða. Skiptist í móttöku, fim...
 
Félagsstarf
Staður og stund
Árskógar 4 Smíðar/útskurður með leiðb. k...
Breyting á aðal- og deiliskipulagi
Tilkynningar
Auglýsing um skipulag á Akranesi Till...
Deiliskipulag
Tilboð - útboð
Kjósarhreppur auglýsir skv....
Deiliskipulag
Tilboð - útboð
Kjósarhreppur Kjósarhreppur a...