Framboðið var vantraust á forystu ASÍ

Ragnar Þór Ingólfsson er nýr formaður VR.
Ragnar Þór Ingólfsson er nýr formaður VR.

Nýr formaður VR segir framboð sitt hafa verið vantraustsyfirlýsingu á forystu ASÍ og félagsmenn VR hafi sent skýr skilaboð með kosningunni að þeir væru honum sammála. Hann segir ekki ríkja traust í samfélaginu að byggja upp norrænt samningamódel á vinnumarkaðinum, svokallað Salek-samkomulag og að hann muni ekki standa með slíkri vinnu. Þetta segir Ragnar Þór Ingólfsson sem vann í dag formannskjör VR og hlaut hann tæplega 63% greiddra atkvæða, en samtals voru greidd 5.706 atkvæði af 33.383 sem eru á kjörskrá.

Frétt mbl.is: Ragnar Þór nýr formaður VR

Ekki traust til að byggja upp norrænt samningamódel

Hann segist hafa lagt upp með ákveðin mál í kosningabaráttu sinni sem hann segir VR og verkalýðshreyfinguna ekki hafa sinnt nógu vel. Nefnir hann sem dæmi verðtrygginguna og segir verkalýðshreyfinguna hafa verið arfaslaka í baráttunni við afnám hennar í samningsgerð sinni.

„Ég vildi hlusta á fólkið, ekki hlusta á hugmyndafræði sem hefur verið óvinsæl mjög lengi,“ segir hann og bætir við að þar eigi hann við Salek-samkomulagið og stefnu ASÍ. „Það er ekki traust í samfélaginu til að byggja upp norrænt samningamódel í ljósi þess að ráðamenn þjóðarinnar hafa verið að hækka mjög ríflega meðan þeir hvetja almenning til hófsemi.“

Ragnar segir að hann tali fyrir stétt með stétt þar sem réttlæti sé fyrir alla. „Við eigum að geta gert miklu betur,“ segir hann um að bæta velferðarkerfið og að það eigi að vera fyrir alla alltaf.

Ragnar Þór segir framboð sitt hafa verið vantraustsyfirlýsingu á forystu ...
Ragnar Þór segir framboð sitt hafa verið vantraustsyfirlýsingu á forystu ASÍ. mbl.is/Ernir Eyjólfsson

Gagnrýnir lífeyriskerfið

Ragnar hefur undanfarin ár verið nokkuð gagnrýninn á lífeyriskerfið og segir hann að þar vilji hann að lífeyrissjóðirnir séu notaðir við samfélagslega uppbyggingu, „í stað þess að þurfa að græða á öllu og vera í miklu áhættubraski.“

„Félagsmenn hafa gefið mjög sterkt umboð til að ég beiti mér fyrir þessum málum. Þeir hafa hafnað þessari ytri starfsemi sem hefur verið hjá VR,“ segir hann. Ragnar tekur þó fram að innra starf félagsins sé mjög gott og blómlegt.

Fyrst þarf traust að koma frá stjórnvöldum og atvinnulífinu

Næstu skref eru að hans sögn að melta niðurstöðuna og þann mikla meðbyr sem hann fékk í atkvæðagreiðslunni. Segir hann að svo skýr niðurstaða hafi komið sér á óvart, en við taki svo ársfundur VR og verkskipting stjórnar sem einnig var kosin í þessari kosningu.

Spurður um framhald Salek-samkomulagsins og vinnunnar í kringum það módel segir Ragnar að hann eigi von á breytingum þar, enda VR stærsta verkalýðsfélag landsins. „Úrslitin eru kýrskýr. Ég fer ekki að vinna að norrænu samningamódeli þegar ég er kosinn til að gera það ekki.“ Bætir hann við að slík vinna sé ekki raunhæf meðan hér á landi sé búið við há lánakjör og að stjórnmálamenn styrki ekki grunnþjónustuna betur. „Traustið er ekki til staðar og ekkert bendir til þess að það verði á næstunni. Fyrst þarf traust að koma frá stjórnvöldum og atvinnulífinu,“ segir Ragnar.

mbl.is

Bloggað um fréttina

Innlent »

Fimmtánfalt fleiri gestir

05:30 Mikil fjölgun hefur orðið á ferðamönnum sem sækja í náttúrulaugarnar í Reykjadal upp af Hveragerði. Nú koma árlega um 120 þúsund gestir í dalinn en voru átta þúsund árið 2010. Fjölgunin á þessu tímabili er fimmtánföld. Meira »

„Hefur hvergi gefist vel“

05:30 „Það hefur hvergi gefist vel,“ segir Gylfi Arnbjörnsson um þá staðreynd að opinberir starfsmenn leiða launaþróun á íslenskum vinnumarkaði. Meira »

Geirfinnsmálið til Hæstaréttar

05:30 Guðmundar- og Geirfinnsmálið er formlega komið til meðferðar hjá Hæstarétti enn á ný.   Meira »

Boðuð lækkun á afurðaverði váboði

05:30 Boðuð lækkun á afurðaverði fyrir dilkakjöt í haust um allt að 35%, til viðbótar við tíundarlækkun í fyrra, er váboði fyrir bændur víða um landið. Váin er mikil á Ströndum þar sem sauðfjárbúskapur er undirstaða og að fáu öðru er að hverfa. Meira »

Námsgögn barna verði gjaldfrjáls

05:30 Foreldrafélög í Breiðholti hafa skorað á yfirvöld í Reykjavík að gera skólagögn gjaldfrjáls fyrir grunnskólabörnin í borginni en skólastarf grunnskólanna er að hefjast núna í vikunni. Meira »

Lág tilboð í gatnagerð

05:30 Innkauparáð Reykjavíkurborgar hefur samþykkt að taka tilboði lægstbjóðanda, Gröfu og grjóts ehf., í 1. áfanga gatnagerðar og stofnlagna í Vogabyggð 2. Meira »

Reikna vísitölur fiskistofna

05:30 Fiskifræðingar frá Íslandi, Færeyjum, Grænlandi og Noregi funda nú í Reykjavík um ástand uppsjávarstofna í Norðaustur-Atlantshafi. Fundurinn er haldinn í kjölfar árlegs rannsóknarleiðangurs sem farinn var fyrr í sumar. Meira »

Andlát: Oddur Ólafsson

05:30 Oddur Ólafsson blaðamaður lést 19. ágúst síðastliðinn, 84 ára að aldri. Oddur fæddist 28. júlí 1933.   Meira »

Sonurinn í járnkallinn 2024

Í gær, 21:36 Guðjón Karl Traustason er einn 35 Íslendinga sem tók þátt í járnkallinum í Kaupmannahöfn á sunnudaginn. 21 þeirra Íslendinga sem skráðu sig, kláruðu keppni og telst það mikið afrek út af fyrir sig. Meira »

Norðurheimskautssvæðið mun gefa eftir

Í gær, 21:25 Haldi hlýnun jarðar áfram þykir sýnt að mörg vistkerfi Norðurheimskautssvæðisins muni um miðja öldina gefa eftir. Svæðið hlýnar nú tvöfalt hraðar en önnur svæði jarðar að jafnaði. Þetta kemur fram í skýrslu Umhverfisstofnunar Evrópu en hún fjallar um umhverfismál á norðurslóðum. Meira »

„100% flott hjónaband“

Í gær, 20:33 „Það er eitthvað tregðulögmál í gangi og menn vilja ekki fara út úr þessum gamla heimi. Whole Foods sendi kjötskurðarmenn til Íslands til að kenna íslenskum kjötiðnaðarmönnum að skera kjötið eins og þeir vilja selja það. Síðan líða 15 ár og enginn tekur þetta upp.“ Meira »

Mótorhjólaslys og reiðhjólaslys með stuttu millibili

Í gær, 20:30 Slökkviliðið var kallað tvisvar út um klukkan sjö í kvöld, annars vegar vegna mótorhjólaslyss í Boröldu og hins vegar vegna reiðhjólaslyss í Lækjarbotnum ekki langt frá. Meira »

Þaulvanur hrútaþuklari

Í gær, 20:18 Íslandsmeistaramótið í hrútadómum fór fram í 15. skipti á Sauðfjársetrinu á Ströndum á sunnudaginn. 45 keppendur tóku þátt í mótinu í flokkum vanra og óvanra hrútaþuklara. Sauðfjárbóndinn Guðbrandur Sverrisson á Bassastöðum á Ströndum bar sigur úr býtum í flokki vanra þuklara. Meira »

Vörður samþykkir leiðtogaprófkjör

Í gær, 19:06 Leiðtogaprófkjör verður haldið hjá Sjálfstæðisflokknum fyrir borgarstjórnarkosningarnar á næsta ári. Breytingatillaga sem Guðlaugur Þór Þórðarsson utanríkisráðherra lagði fram á fjölmennum fundi Varðar, fulltrúaráðs sjálftæðisfélaganna í Reykjavík, var samþykkt nú síðdegis. Meira »

Með rætur í matjurtagarði

Í gær, 18:20 Ungt og kraftmikið athafnafólk, Sara Stefánsdóttir og Árni Sigurðsson, settist að á Þórshöfn í fyrra. Bæði ólust upp í sveit. Sara settist barnung með foreldrum sínum að í Akurseli, þar sem þau hófu gulrótarækt í stórum stíl fyrir 18 árum. Núna sjá þau Sara og Árni um grænmetisvinnsluna á Þórshöfn. Meira »

Hálfdrættingur í fjárframlögum

Í gær, 19:37 „Fjármálin eru okkur erfið en árangurinn er mikill,“ segir Jón Atli Benediktsson, rektor Háskóla Íslands, í kjölfar ársfundar HÍ, sem haldinn var í dag. Því beri þó að gleðjast yfir að Háskólinn sé nú kominn á lista yfir 500 bestu háskólana. Meira »

Nýjar myndavélar á Grindavíkurvegi

Í gær, 18:46 Vegagerðin bindur vonir við að strax á næsta ári verði teknar í notkun myndavélar sem mæla meðalhraða ökutækja á sex til sjö kílómetra kafla á Grindavíkurvegi. Þetta segir Auður Þóra Árnadóttir, forstöðumaður umferðardeildar hjá Vegagerðinni, í samtali við mbl.is. Meira »

Hjartasteinn framlag Íslands

Í gær, 18:08 Kvikmyndin Hjartasteinn í leikstjórn Guðmundar Arnars Guðmundssonar verður framlag Íslands til kvikmyndaverðlauna Norðurlandaráðs í ár. Þetta var tilkynnt í dag á alþjóðlegu kvikmyndahátíðinni í Haugasundi í Noregi, það gerðu SKAM-stjörnurnar Tarjei Sandvik Moe og Iman Meskini. Meira »
Mig vantar gott heimili
Ég er Gringo og er 5 ára gamall Labrador. Mig vantar nýja og góða eigendur. Vi...
UTSALA TOYOTA RAV 4 MODEL 1995 TIL 2000 VARAHLUTIR
Framleiðandi-Toyota Tegund-Jeppi Ár-1995 Akstur-351.000 Eldsneyti-Bensín ...
GLÆSILEGT HÚS T LEIGU Í VENTURA FLORIDA
Í húsi sem er v. 18 holu golfvöll eru 3 svh. m. sjónv., 2 bh., 1 wc, stór stofa,...
Fellihýsi Coleman Westlake
Fellihýsi að stæðstu gerð til sölu. Sturta, klósett, heitt og kalt vatn, loftkæl...
 
Framkvæmdastjóri dómstólasýslunnar
Önnur störf
Framkvæmdastjóri dómstólasýslunnar Stj...
Félagsstarf
Staður og stund
Árskógar Hádegismatur, mexíkanskur hakkr...
Háseti
Sjávarútvegur
Háseti Vísir hf óskar eftir a...
Félagsstarf
Staður og stund
Árskógar 4 Smíðar og útskurður með leiðb...