Lögreglan á höfuðborgarsvæðinu hefur birt myndir af manninum sem rændi apótek á Bíldshöfða skömmu fyrir klukkan 10 í gærmorgun.
Maðurinn, sem huldi andlit sitt með klút, var vopnaður hnífi. Ræninginn er talinn vera grannvaxinn, klæddur í rauða peysu, gallabuxur og með húfu. Hann var með svartan bakpoka meðferðis.
Þeir sem geta veitt upplýsingar um málið, eða telja sig hafa séð til ferða mannsins eru beðnir um að senda einkaskilaboð á facebook-síðu lögreglunnar á höfuðborgarsvæðinu eða senda tölvupóst í netfangið as@lrh.is. Ef einhverjir verða mannsins varir skal hringja strax í lögreglu í síma 112.