Dómari víkur sæti í Kaupþingsmáli

Málið var fyrst höfðað í febrúar á síðasta ári.
Málið var fyrst höfðað í febrúar á síðasta ári. mbl.is/Ómar Óskarsson

Hæstiréttur Íslands hefur staðfest úrskurð Héraðsdóms Vesturlands, um að dómstjóri dómstólsins víki sæti við meðferð skaðabótamáls Samtaka sparifjáreigenda á hendur fyrrverandi stjórnendum Kaupþings.

Dómstjóri Héraðsdóms Vesturlands, Ásgeir Magnússon, kvað upp úrskurð sinn hinn 25. janúar og sagðist ákveða að víkja sæti við meðferð málsins.

Sagði hann það vera sökum þess að sonur hans, Magnús Kristinn Ásgeirsson, væri yfirlögfræðingur Kauphallarinnar, Nasdaq á Íslandi, og hefði gefið skýrslu sem vitni fyrir héraðsdómi í máli gegn Hreiðari Má Sigurðssyni, fyrrverandi forstjóra Kaupþings, og Guðnýju Örnu Sveinsdóttur, fyrrverandi fjármálastjóra bankans.

Hæstiréttur hefur nú staðfest úrskurð héraðsdóms eins og áður sagði.

Þrautaganga fyrir samtökin

Málaferlin hafa reynst samtökunum töluverð þrautaganga. Þau stefndu for­svars­mönn­um Kaupþings í febrúar á síðasta ári, vegna markaðsmis­notk­un­ar og fyrir að hafa valdið hlut­höf­um bank­ans fjár­tjóni með blekk­ing­um.

Greint var frá því þá að um prófmál væri að ræða, þar sem skorið yrði úr því hvort al­menn­ir hlut­haf­ar sem áttu hluta­bréf í Kaupþingi gætu sótt skaðabæt­ur á hend­ur fyrrverandi stjórnendum bankans.

Stefnan var þá birt Hreiðari Má Sig­urðssyni, fyrrverandi for­stjóra Kaupþingssam­stæðunn­ar, Ingólfi Helga­syni, fyrrverandi for­stjóra Kaupþings á Íslandi, Magnúsi Guðmunds­syni, fyrrverandi for­stjóra dótt­ur­fé­lags Kaupþings í Lúx­em­borg, Ólafi Ólafs­syni, sem áður var einn stærsti eig­andi Kaupþings og Sig­urði Ein­ars­syni, fyrrverandi stjórn­ar­for­manni Kaupþings.

Var flest­um þeirra birt stefn­an á Kvía­bryggju, þar sem þeir þá afplánuðu dóma.

Hreiðar Már Sigurðsson í Hæstarétti.
Hreiðar Már Sigurðsson í Hæstarétti. mbl.is/Árni Sæberg

Vísað frá vegna varnarþings

Og viðvera þeirra á Kvíabryggju átti einmitt hlut að máli við fyrstu hindrun málsins. Í júlí á síðasta ári var málinu vísað frá Héraðsdómi Vesturlands, á grundvelli þess að mönnunum hefði ekki verið stefnt fyrir réttu varnarþingi.

Dóm­ur­inn sagði þá óum­deilt að all­ir ættu þeir lög­heim­ili utan um­dæm­is Héraðsdóms Vest­ur­lands; Hreiðar, Ingólf­ur og Magnús í Lúx­em­borg, Ólaf­ur í Sviss og Sig­urður í Reykja­vík.

Stefnuvotturinn fór á Kvíabryggju

Málinu var þó ekki lokið, þar sem Hæstiréttur felldi úrskurð Héraðsdóms Vesturlands úr gildi í september síðastliðnum. Lagði hann fyr­ir héraðsdóm að taka málið til efn­is­meðferðar.

Fram kem­ur í dómi réttarins að sam­tök­in hafi lagt fram bréf­lega staðfest­ingu varðstjóra í fang­els­inu að Kvía­bryggju, frá 7. júlí 2016, á því að þeir Hreiðar, Magnús, Ólaf­ur og Sig­urður hafi all­ir verið vistaðir þar 10. fe­brú­ar sama ár, en það er degi eft­ir að málið var höfðað fyr­ir Héraðsdómi Vest­ur­lands.

Þá hafi sam­tök­in jafnframt lagt fram bréf frá 4. júlí 2016 frá stefnu­votti, sem gerði vott­orð um birt­ingu stefnu hinn 10. fe­brú­ar sama ár.

Sigurður Einarsson í Hæstarétti.
Sigurður Einarsson í Hæstarétti. mbl.is/Árni Sæberg

Hreiðar og Magnús læstu að sér og neituðu að skrifa und­ir nokkuð

Í bréf­i stefnuvotts seg­ir að hann hafi gefið sig fram við tvo fanga­verði þegar hann kom á Kvía­bryggju. Fanga­verðirn­ir hafi haft sam­band við fjór­menn­ing­ana og tjáð þeim að stefnu­vott­ur biði þeirra á skrif­stofu fang­els­is­ins. Sig­urður hafi þá komið þangað og stefn­an verið birt fyr­ir hon­um. Síðan hafi Ólaf­ur komið, en hann sagt stefnu­vott­in­um að nægi­legt væri að birta fyr­ir fanga­verði, sem svo hafi verið gert.

Á hinn bóg­inn hafi varn­araðilarn­ir Hreiðar og Magnús hvor­ug­ur komið og fanga­vörður því fylgt stefnu­vott­in­um í hús, þar sem þeir hafi verið vistaðir.

Þegar þangað hafi verið komið hafi þeir verið í her­bergj­um sín­um og haft læst að sér, en þegar bankað hafi verið á dyr hafi þeir hvor fyr­ir sig kallað fram að þeir myndu ekki skrifa und­ir neitt.

Að því er þá varðar hafði stefn­an því verið birt fyr­ir fanga­verði, samkvæmt mati réttarins.

mbl.is

Innlent »

„Þeir höfðu keypt gallað hús“

22:01 „Lífeyrissjóðirnir selja húsið ódýrara en samningurinn kveður á um og afsala sér rétti til þeirra tekna sem þeim voru áskyldar í leigusamningi,“ segir Bjarni Bjarnason, forstjóri Orkuveitunnar, um kaup félagsins á húseignunum á Bæjarhálsi 1. Meira »

Vegum lokað vegna veðurs

21:59 Norðanstormur og hríð er víða á Norðurlandi og af þeim sökum er búið að loka veginum um Ólafsfjarðarmúla. Áður hafði Siglufjarðarvegi verið lokað síðdegis en snjóflóð féll á veginn. Meira »

Breið stjórn og uppbygging – kunnuglegt?

21:21 Fari svo að ríkisstjórn VG, Sjálfstæðisflokksins og Framsóknarflokksins verði að veruleika eins og virðist stefna í verður um sögulegan atburða að ræða enda hafa Sjálfstæðisflokkurinn og flokkurinn lengst til vinstri á Alþingi ekki starfað saman í ríkisstjórn síðan í nýsköpunarstjórninni svonefndri. Meira »

Skólpið í rétta átt á tveimur hótelum

20:46 Í lok nóvember verður lokið við að reisa nýtt viðbótar hreinsivirki fyrir skólp á Foss-hótelinu Vatnajökul á Lindarbakka við Höfn. Í september gerði Heil­brigðis­eft­ir­lit Aust­ur­lands at­huga­semd­ir við lé­lega skólp­hreins­un hótelsins og veitti frest til úrbóta til 20. nóvember í dag. Meira »

Kynnir háskólanemum landið

20:09 Herdís Friðriksdóttir, verkefnastjóri og eigandi ferðaskrifstofunnar Understand Iceland, fékk nýverið styrk til að kynna erlendum háskólanemum sjálfbærni og umhverfisvernd á Suðurlandi. Meira »

Glaðari konur og glaðari karlar

19:44 Kvenréttindafélag Íslands fagnar 110 ára afmæli sínu í ár. Í stað þess að efna til rjómatertusamsætis færði félagið öllum fyrsta árs framhaldsskólanemum á landinu bók að gjöf. Við ættum öll að vera femínistar eftir nígerísku skáldkonuna Chimamanda Ngozi Adichie kom út 27. september, á fæðingardegi Bríetar Bjarnhéðinsdóttur, stofnanda félagsins. Meira »

Gjóskuflóð færu hratt niður hlíðar

19:11 „Eldur upp kom í Litla-Héraði og eyddi allt héraðið. Höfðu þar áður verið 70 bæir. Lifði engin kvik kind eftir utan ein öldruð kona, og kapall.“ Svo stendur ritað í Oddverjaannál, um þær hamfarir sem fylgdu eldgosinu í Hnappafellsjökli í júní árið 1362. Meira »

Sýknaður því hann mætti ekki

19:34 Héraðsdómur Suðurlands hefur sýknað mann og tvö fyrirtæki hans af meiri háttar brotum gegn skattalögum. Sýknudómurinn grundvallast af skorti á gögnum. Í honum kemur meðal annars fram að héraðssaksóknari gekk ekki á eftir því að maðurinn sem var ákærður myndi mæta við aðalmeðferð. Meira »

Kaupa rakaskemmdar höfuðstöðvar

18:46 Orkuveitan hefur keypt aftur höfuðstöðvar sínar á Bæjarhálsi 1 af fasteignafélaginu Fossi. Kaupverð er fimm og hálfur milljarður en um þriðjungur húsanna er stórskemmdur af raka. Meira »

Veður getur hamlað eftirliti

18:14 Slæm veðurspá getur sett strik í reikninginn þegar kemur að eftirliti með Öræfajökli næstu dagana. Tveir menn á vegum Veðurstofu Íslands héldu af stað austur að jökli um miðjan dag, með það fyrir augum að taka sýni úr ám sem renna undan jöklinum. Meira »

Keyrði inn í Hagkaup á Eiðistorgi

18:10 Óhapp varð nú síðdegis þegar eldri kona missti stjórn á bifreið sinni með þeim afleiðingum að hún keyrði inn í verslun Hagkaupa á Seltjarnarnesi. Meira »

Telur hægt að útiloka sekt Thomasar

17:50 Munnlegur málflutningur fór í dag fram í máli Thomasar Møller Olsen gegn íslenska ríkinu, þar sem verjandi Thomasar fór fram á að dómkvaddur matsmaður, „hæfur og óvilhallur“, yrði fenginn til að leggja mat á hvar Birnu Brjánsdóttur var komið fyrir, með það fyrir augum að útiloka sekt hans. Meira »

Vilja ná 80% vefsíðna í loftið í dag

17:38 Um 60% af þeim vefsíðum sem eru í hýsingu hjá fyrirtækinu 1984, sem lenti í kerfishruni síðasta miðvikudag, eru komnar upp aftur. Mörður Ingólfsson, framkvæmdastjóri fyrirtækisins, segir í samtali við mbl.is að gert sé ráð fyrir að ná upp allt að 80% síðnanna í dag. Meira »

Kvennaathvarfið hlaut viðurkenningu Barnaheilla

16:50 Kvennaathvarfið hlaut í dag viðurkenningu Barnaheilla – Save the Children á Íslandi árið 2017 fyrir að beina sjónum sínum í auknum mæli að þörfum og réttindum barna sem í athvarfinu búa hverju sinni. Meira »

Mikil svifryksmengun í höfuðborginni

16:18 Styrk­ur svifryks og köfnunarefnisdíoxíðs er hár við helstu um­ferðargöt­ur borg­ar­inn­ar sam­kvæmt mæl­ing­um við Grens­ás­veg og færanlegum mælistöðvum Heilbrigðiseftirlits Reykjavíkur við Eiríksgötu 2 og Hringbraut 26. Meira »

Áfram í varðhaldi grunaður um peningaþvætti

17:14 Hæstirétt­ur staðfesti í dag að níg­er­ísk­ur karl­maður skuli áfram sæta gæslu­v­arðhaldi vegna gruns um pen­ingaþvætti. Varnaraðili hafði kært úrskurð Héraðsdóms Reykjaness frá því fyrir helgi en þar segir að manninum sé gert að sæta gæsluvarðhaldi til 14. desember. Meira »

Siglufjarðarvegur lokaður vegna snjóflóðs

16:35 Siglufjarðarvegur er lokaður um óákveðinn tíma vegna snjóflóðs sem féll skammt vestan Strákaganga. Þetta kemur fram í tilkynningu frá Vegagerðinni. Snjókoma er á Norðausturlandi og þungskýjað. Meira »

„Mjög alvarlegt brot“ á Grensásvegi 12

16:15 „Við höfum fengið viðbrögð en þau hafa verið algjörlega ófullnægjandi. Við gerum bara ráð fyrir því að þeir séu að vinna í sínum málum og vinna að úrbótum. Bannið nær ekki yfir að úrbætur séu gerðar á vinnustað,“ segir Björn Þór Rögnvaldsson, lögfræðingur hjá Vinnueftirlitinu. Meira »

Mátturinn eða dýrðin - Greinaflokkur

PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
Listakonan í fjörunni
Til sölu stytta eftir Elísabetu Geirmundsdóttur frá Akureyri, sem gekk ævinlega ...
 
Félagsstarf
Staður og stund
Aflagrandi 40 Opin vinnustofa kl 9 og gö...
Félagsstarf
Staður og stund
Aflagrandi 40 Opin vinnustofa kl. 9 og j...
Skipulagsmál
Tilkynningar
Rangárþing ytra Auglýsing um skipulags...
Félagsstarf
Staður og stund
Aflagrandi 40 Opin vinnustofa kl. 9 og f...