Nauðsynlegt að þekkja náttúruna

Við gamalt spil sem stendur á ystu klettum á Malarrifi. ...
Við gamalt spil sem stendur á ystu klettum á Malarrifi. Meðal annars út frá því spunnu nemarnir með heimildum frásögn um sjávarhætti. mbl.is/Sigurður Bogi Sævarson

Landvörður þarf að hafa hugsjónir og vera óhræddur við að berjast fyrir hagsmunum og vernd náttúrunnar,“ segir Jón Björnsson, þjóðgarðsvörður á Snæfellsnesi. Alls 33 útskrifuðust á dögunum af landvarðanámskeiði Umhverfisstofnunar, en slík hafa verið haldin um árabil.

Með plagg sem staðfestir þátttöku fá þeir sem útskrifast gjaldgengi í störf landvarða. Jón var umsjónarmaður námskeiðsins, þar sem fjöldi leiðbeinenda miðlaði ráðum og reynslu.

Landvörður mótar starfið sjálfur

Á annað hundrað landverðir eru ráðnir til starfa á hverju ári. Þeim fjölgar og þar ræður mikil fjölgun ferðamanna á síðustu árum. Einnig hefur heilsársstörfum á þessum vettvangi verið bætt við.

Þeir sem ráða landverði til starfa eru þjóðgarðurinn á Þingvöllum, Vatnajökulsþjóðgarður og Umhverfisstofnun, sem hefur umsjón með þjóðgarðinum Snæfellsjökli og á annað hundrað friðlýstum svæðum víða um land.

Jón Björnsson, þjóðgarðsvörður á Snæfellsnesi.
Jón Björnsson, þjóðgarðsvörður á Snæfellsnesi. mbl.is/Sigurður Bogi Sævarson


„Það vantar alltaf landverði til starfa, það er fólk sem hefur sótt námskeiðin sem við stöndum fyrir. Til starfa kemur gjarnan ungt fólk sem staldrar ekki alltaf lengi við og því er endurnýjunin talsvert. Svo er líka eftirsóknarvert að fá inn nýtt fólk með góðar hugmyndir,“ segir Jón Björnsson sem um árabil var landvörður á Hornströndum.

„Á hverju svæði mótar landvörður starfið sitt að nokkru leyti sjálfur, þótt eftirlit og úrbætur séu alltaf í forgangi. Margir hafa bryddað upp á skemmtilegum nýjungum, svo sem að miðla allskonar fróðleik til ferðamanna, bæði með gönguferðum og í gestastofum.“

Lesa í ský og hlusta á haf

Umhverfisstofnun hélt landvarðanámskeið nýlega og sá sem þetta skrifar var þar meðal þátttakenda. Af náminu og fyrirkomulagi þess er það að segja að fyrst voru teknir fyrir bóklegir þættir, eins og lög og reglur um náttúruvernd, stjórn friðlýstra svæði og einnig tæpt á náttúrufræði almennt, sjálfbærni og málefnum framtíðar. Einnig kynnti fólk sem starfar á þessum vettvangi störf sín. Lagði það áherslu á að nauðsynlegt væri að fólk þekkti vel náttúru og sögu þess svæðis þar sem vaktin er staðin. Nefndi Jón Björnsson til dæmis í því sambandi að sér hefði á Hornströndum lærst að lesa í ský og hlusta á hafið og fá þannig veðurspá næsta dags.

Á námskeiðinu fóru landvarðanemar vestur á Snæfellsnes og tóku þar ...
Á námskeiðinu fóru landvarðanemar vestur á Snæfellsnes og tóku þar meðal annars ýmsar vettvangsæfingar, svo sem náttúrutúlkun. mbl.is/Sigurður Bogi Sævarson


Þá þarf landvörður að hafa félagslæsi og góða færni í samskiptum. Bjóða góðan daginn og brosa, beina fólk á rétta braut en taka af festum á erfiðum málum. Því fór nokkur hluti námskeiðsins í fræðslu um góða hætti í samskiptum Þá var fjallað um hvernig best væri að standa að ýmsum framkvæmdum sem landverðir hafa með höndum. Einnig var farið ítarlega yfir öryggismál, með heimsóknum til Neyðarlínunnar og þyrlusveitar Landhelgisgæslunnar.

Fræðsluþátturinn æ stærri

Einn þáttur í landvarðanáminu var vettvangsnám á Gufuskálum á Snæfellsnesi. Þar fékk fólk fræðslu um fjölbreytta náttúru svæðisins – jökul, hraun og haf – og við Malarrif og Lóndranga var fólki kennt að skipuleggja og fara fyrir fræðslugöngum; afla sér upplýsingar um svæði og segja frá staðháttum.

„Fræðsluþátturinn verður æ stærri þáttur í landvörslu enda er náttúra landsins það sem helst lokkar ferðamenn til Íslands,“ segir Jón Björnsson.

Iðunn Hauksdóttir
Iðunn Hauksdóttir mbl.is/Sigurður Bogi Sævarson


Upplifun og önnur sýn á landið

„Landvarðanámið veitti mér alveg nýjan skilning á mörgu og sérstaklega fannst mér gaman að kynnast náttúrutúlkun, því að segja fólki frá áhugaverðum stöðum og atriðum í umhverfinu. Sem náttúrufræðingur þekki ég til margs á þessu sviði, en að túlka sögu, menningu og náttúrufræði hvers staðar og færa í orð er nýtt fyrir mér,“ segir Iðunn Hauksdóttir framhaldsskólakennari sem er uppalin á bænum Votalæk á sunnanverðu Snæfellensi en býr nú í Stykkishólmi.

„Ég er vel staðkunnug til dæmis í Þjóðgarðinum Snæfellsjökli. Mér fannst fróðlegt að kynnast svæðinu út frá nýjum vinkli, öðlast aðra sýn og upplifun á svæði sem maður þekkir fyrir. Svona getur maður endalaust bætt við sig þekkingu,“ segir Iðunn sem hefur hug á að komast í landvörslustörf í sumar.

„Landvörður er leiðbeinandi og það er spennandi að setja sig inn í ýmis mál og staðhætti og miðla upplýsingunum áfram. Svo er ábyggilega gaman að starfa við náttúruvernd í afarfjölbreyttu starfi.“

Haraldur Auðbergsson
Haraldur Auðbergsson mbl.is/Sigurður Bogi Sævarson


Ögrun að kynnast nýjum stað

„Ég hef alltaf haft mikinn áhuga á ferðalögum og útiveru og að afla mér menntunar sem landvörður var því kannski rökrétt skref,“ segir Haraldur Auðbergsson, trésmiður á Egilsstöðum. Þrátt fyrir að vera búsettur austur á landi kom Haraldur vikulega suður á fyrirlestra námskeiðsins sem voru einnig sýndir þátttakendum á sérstökum námsvef.

„Það hentaði mér betur að mæta á staðinn og lét mig hafa það, þótt slíku fylgdi fyrirhöfn sem kostaði sitt,“ segir Haraldur sem hefur flækst víða um landið á undanförnum árum, þá ekki síst Norðausturlandið

„Já, ég þekki til við Snæfell, Kárahnjúka, Öskju og í Jökulsárgljúfrum. Snæfellsnesið, þar sem við tókum staðarnámið, var hins vegar alveg ný veröld fyrir mér. Því var talsverð ögrun að kynnast staðháttum þar og setja upp skipulagða fræðslugöngu. Þá var mjög lærdómríkt að kynnast starfi Gæslunnar og Neyðarlínunnar, en öryggismál eru stór þáttur í starfi landvarða. Því fylgir meðal annars að sækja þarf námskeið í skyndihjálp og fjarskiptum áður en landvarðastörf á fjöllum hefjast.“

Innlent »

Saxast heldur á forgangsverkefnin

07:37 Vel hefur gengið að ljúka við forgangsverkefni ríkisstjórnarinnar í tengslum við fjölgun ferðamanna 2017 en Þórdís Kolbrún R. Gylfadóttir, ferðamála-, iðnaðar- og nýsköpunarráðherra, greindi frá stöðu mála á ríkisstjórnarfundi í gær. Meira »

Þrjú útköll hjá slökkviliðinu

07:18 Slökkviliðið á höfuðborgarsvæðinu var þrívegis kallað út í nótt til að slökkva eld. Um hálffjögurleyti kviknaði eldur í bíl í Mosfellsbæ og einnig í ruslatunnu á Hverfisgötu. Meira »

Búist við stormi víða á landinu

07:12 Búist er við stormi víða á landinu í dag. Spáð er suðvestan 15 til 23 metrum á sekúndu, skúrum eða éljum en léttir til á Norðaustur- og Austurlandi. Hiti verður á bilinu 2 til 12 stig, hlýjast norðaustantil. Meira »

Stórhýsi rís við Hótel Cabin

05:30 Á vef Reykjavíkurborgar hefur verið auglýst tillaga að breytingu á deiliskipulagi lóðar númer 34-36 við Borgartún.   Meira »

Rekstrarumhverfið sagt óþolandi

05:30 Íslandsbanki stóð fyrir fundi í Hofi á Akureyri í vikunni um málefni ferðaþjónustunnar. Hörð gagnrýni kom fram í máli fundarmanna á Isavia. Meira »

Býður nemum hærri laun og umbun

05:30 Landspítalinn hefur boðið hjúkrunarfræðinemum sem útskrifast í vor að byrja í hærri launaflokki en þeir hefðu ella farið í og umbun vegna vaktavinnu ef þeir koma til starfa eftir útskrift. Meira »

Mikil kergja innan lífeyrissjóðanna

05:30 Mikillar kergju gætir meðal ýmissa forsvarsmanna lífeyrissjóðakerfisins í kjölfar þess að Kaupþing sleit viðræðum um möguleg kaup þeirra á umtalsverðum hlut í Arion banka. Meira »

196 umsækjendur fluttir úr landi

05:30 Á þessu ári hafa 196 umsækjendur um alþjóðlega vernd (áður kallaðir hælisleitendur) verið fluttir frá Íslandi.  Meira »

Polar Amaroq með mestan loðnuafla

05:30 Grænlenska skipið Polar Amaroq var aflahæsta skipið á nýliðinni loðnuvertíð að því er fram kemur á vefsíðu Síldarvinnslunnar. Meira »

Fjórir með réttarstöðu sakbornings

05:30 Fjórir fangaverðir hafa réttarstöðu sakbornings vegna atviks á Litla-Hrauni í ársbyrjun sem er til rannsóknar hjá lögreglunni á Suðurlandi. Meira »

Fyrsti vinningur gekk ekki út

Í gær, 23:04 Fyrsti vinningur gekk ekki út í Eurojackpot í kvöld en tæpir sex milljarðar króna voru í pottinum. Þrír hlutu annan vinning og fá þeir hver í sinn hlut tæpar 69 milljónir króna. Hinir heppnu koma frá Þýskalandi, Finnlandi og Ungverjalandi. Meira »

Eldur í Bústólpa á Akureyri

Í gær, 22:13 Slökkviliðið á Akureyri var kallað út um klukkan 21.30 í kvöld að fóðurverksmiðju Bústólpa á Oddeyrartanga. Að sögn Rolfs Tryggvasonar, varðstjóra hjá slökkviliðinu, er mikill reykur og eldur en óljóst er hversu mikið umfangið er. Meira »

Flugu ekki á Ísafjörð

Í gær, 22:00 „Við fórum að fljúga seinni partinn í dag, bæði til Akureyrar og Egilsstaða en náðum ekkert að fljúga til Ísafjarðar í dag,“ segir Árni Gunn­ars­son, fram­kvæmda­stjóri Flug­fé­lags Íslands. Innanlandsflug lá niðri framan af degi í dag en hófst svo að nýju um miðjan daginn.   Meira »

„Á endanum færðu marblett“

Í gær, 21:30 „Þetta er bara enn einn birtingarmynd um að við erum ekki komin eins langt og við höldum,“ segir framkvæmdastjóri Samtakanna´78. Í gær sagði mbl.is frá því að ung­ling­ar sem eiga tvær mömm­ur eða tvo pabba áttu erfitt með að svara spurn­ing­um í for­prófi PISA-prófs­ins á dög­un­um. Meira »

Fjölhæfur fastagestur á RÚV

Í gær, 19:30 Þúsundþjalasmiðurinn Stefán Hannesson er tíður gestur á sjónvarpsskjám landsmanna og hefur á undanförnum árum tekið þátt í nokkrum af þekktustu sjónvarpsþáttum landsins. Hann tók þátt í Gettu betur með liði Fjölbrautaskólans á Suðurlandi, keppti í Útsvari með liði Ölfuss og nú síðast var hann í Söngvakeppni sjónvarpsins með Daða og Gagnamagninu. Meira »

Blæs hressilega um helgina

Í gær, 21:50 „Það blæs vel svona fram eftir helginni,“ segir Haraldur Eiríksson, vakthafandi veðurfræðingur á Veðurstofu Íslands. Vindurinn nær sér nokkuð vel á strik núna með kvöldinu og á morgun. Ekkert aftakaveður að sögn Haraldar, en nokkuð hvassviðri og stormur víða. Meira »

Þrjár vikur til stefnu í máli Birnu

Í gær, 20:03 „Við erum bara með málið til meðferðar,“ segir héraðssaksóknari. Í dag er ein vika liðin frá því að embættinu bárust gögn vegna hvarfs og and­láts Birnu Brjáns­dótt­ur. Embættið hefur því þrjár vikur til viðbótar til stefnu. Meira »

15 mánaða fangelsi fyrir fjölda brota

Í gær, 19:05 Ungur maður var í gær dæmdur í Héraðsdómi Reykjavíkur til að sæta 15 mánaða fangelsi fyrir margvísleg brot. Brotin voru framin þegar pilturinn var aðeins 16 til 18 ára gamall. Meira »
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Stólar til sölu
Til sölu 20stk. rauðir stólar með háu baki. Verð 3000 kr, stk. uppl. 820-5181...
 
Laus störf
Önnur störf
LAUS STÖRF FYRIR RÉTTA EINSTAKLINGA ...
Aðalfundur
Fundir - mannfagnaðir
Ársfundur Eftirlaunasjóður starfsman...
Starfsmaður óskast
Önnur störf
Starfsmaður óskast Vegna mikilla v...
Framhald uppboðs
Nauðungarsala
Uppboð Einnig birt á www.naudungarsolu...