Farþegaþota hollenska flugfélagsins KLM, sem á leið var frá Amsterdam í Hollandi til Los Angeles í Bandaríkjunum, neyddist til að lenda á Keflavíkurflugvelli nú rétt eftir hádegi. Vélin sneri við þar sem hún var á leið yfir Grænland í vesturátt.
Ástæða lendingarinnar mun vera veikindi eins farþegans, samkvæmt upplýsingum frá Isavia.
Á vef Víkurfrétta segir að sjúkrabíll frá Brunavörnum Suðurnesja hafi beðið vélarinnar. Er nú verið að koma farþeganum undir læknishendur.