Thorvaldsensfélag hefur fært röntgendeild Landspítala að gjöf tvo sjúklingalyftara. Annar þeirra verður á deildinni við Hringbraut, hinn í Fossvogi.
Í tilkynningu frá spítalanum segir að gjöfin sé kærkomin því svona lyftarar hafi ekki verið til á röntgendeildinni. Þeir munu auðvelda geislafræðingum vinnu sína með þunga sjúklinga og sjúklinga sem hafa ekki getu til að færa sig sjálfir yfir á rannsóknarbekkinn. Starfsmenn deildarinnar eru félaginu því þakklátir.