Fjórir fangaverðir hafa réttarstöðu sakbornings vegna atviks á Litla-Hrauni í ársbyrjun sem er til rannsóknar hjá lögreglunni á Suðurlandi.
Oddur Árnason, yfirlögregluþjónn hjá lögreglunni á Suðurlandi, segir í samtali við Morgunblaðið að einn fangavarðanna hafi réttarstöðu sakbornings vegna framgöngu sinnar við fanga sem hafði kveikt í fangaklefa sínum.
Atvikið náðist á upptöku. Hinir þrír hafa réttarstöðu sakbornings vegna rannsóknar lögreglu á því hvort þeir hafi brotið gegn starfsskyldum sínum með því að tilkynna ekki málið til yfirmanna sinna.