Talinn hafa ökklabrotnað við Gljúfrabúa

Tólf björgunarmenn fóru á staðinn ásamt lögreglu og sjúkraliði og …
Tólf björgunarmenn fóru á staðinn ásamt lögreglu og sjúkraliði og gekk vel að koma manninum niður á jafnsléttu. Mynd úr safni. mbl.is/Eggert

Björgunarsveitir Slysavarnafélagsins Landsbjargar á Hellu og Hvolsvelli voru kallaðar út rúmlega fjögur í dag vegna ferðamanns sem hafði fallið við göngu við fossinn Gljúfrabúa við hlið Seljalandsfoss.

Talið var að viðkomandi væri ökklabrotinn og þurfti sérþjálfaða björgunarmenn með fjallabjörgunarbúnað til að koma manninum til aðstoðar. Þetta kemur fram í fréttatilkynningu frá Slysavarnarfélaginu Landsbjörgu. 

Tólf björgunarmenn fóru á staðinn ásamt lögreglu og sjúkraliði og gekk vel að koma manninum niður á jafnsléttu og var hann kominn í sjúkrabíl núna á sjötta tímanum.

mbl.is
Fleira áhugavert
Fleira áhugavert