Harðari samkeppni en margar girðingar

Samkeppni gagnavera hér á landi við önnur lönd fer vaxandi, að sögn Jóhanns Þórs Jónssonar, formanns Samtaka gagnavera.

Ísland hafi lengi búið að því að vera með hagstæðara raforkuverð en keppinautar í öðrum löndum og þannig getað tryggt lengri tíma samninga á hagstæðum verðum. Þetta hefur hins vegar breyst hratt á undanförnum misserum og í dag er veruleg umframeftirspurn eftir raforku.

Forsvarsmenn gagnavera hafa áhyggjur af rekstraröryggi gagnatengingar við útlönd og vilja líka að horft verði til raforkumarkaðarins og þess umhverfis sem íslensk gagnaver keppa í, segir Jóhann í umfjöllun um umhverfi gagnavera á Íslandi í Morgunblaðinu í dag.