Ríkisstjórnin kemur saman til aukafundar í dag og hyggst afgreiða fjölda mála af þingmálaskrá sinni.
Ríkisstjórnin afgreiddi á fundi sínum á föstudag um fimmtán mál og sennilega verður annar eins fjöldi mála afgreiddur á ríkisstjórnarfundinum í dag.
Fram hefur komið að þingmálalisti ríkisstjórnarinnar er samtals 101 mál og um 30 þeirra eru komin til Alþingis í formi frumvarpa, þingsályktunartillagna eða innleiðinga á tilskipunum, að því er fram kemur í umfjöllun um þingmál ríkisstjórnarinnar á vorþingi.