Uppselt er á allar sýningar verksins Elly í Borgarleikhúsinu þar sem fjallað er um líf söngkonunnar Ellyar Vilhjálms.
Kristín Eysteinsdóttir, leikhússtjóri, segir að uppselt sé á allar sýningar til 16. júní en þá verður 52. sýningin á verkinu. Stefnt er að því að sýningar hefjist aftur í haust en verið er að fara yfir það hvenær miðar á þær sýningar fari í sölu.
„Það verður væntanlega fljótlega,“ segir Kristín í umfjöllun um mál þetta í Morgunblaðinu í dag.