Hátt í 500 íbúðir í smíðum í miðbænum
Setja bókamerki
Í miðborg Reykjavíkur eru 653 íbúðir annaðhvort í byggingu eða á teikniborðinu, samkvæmt drögum að húsnæðisáætlun Reykjavíkurborgar.
Langflestar íbúðir eru á byggingarsvæðum á framkvæmdastigi, eða 478 talsins.
Á Hljómalindarreitnum, milli Laugavegar og Hverfisgötu, verða 35 íbúðir og verður meðalstærð þeirra 60 fermetrar. Fyrir á reitnum er 112 herbergja lúxushótel.
Á Hverfisgötu 94 til 96, eða Laugavegsreitnum, verða byggðar 60 íbúðir og verður meðalstærðin 100 fermetrar.
Reiturinn Hafnartorg-Austurhöfn býður upp á 178 íbúðir. Meðalstærð þeirra verður 140 fermetrar.
Alls verða 77 íbúðir á Brynjureitnum og verður meðalstærðin 65 fermetrar. Á Frakkastígsreitnum verða 68 íbúðir með 80 fermetra meðalstærð.
Við Tryggvagötu 13 verða 40 íbúðir og þar verður meðalstærð íbúða 86 fermetrar. Þá verða 20 íbúðir á Nýlendureitnum svokallaða og verður meðalstærð þeirra 70 fermetrar. Þar verður hlutfall húnæðisfélaga 100%.
Íbúðir í miðborginni í samþykktu deiliskipulagi eru 175 talsins, allar á Barónsreitnum. Þar verður meðalstærðin 109 fermetrar.
Einn reitur er í formlegu skipulagsferli, eða Frakkastígur-Skúlagata, en ekkert kemur fram í húsnæðisáætluninni um fjölda íbúða þar.
Mikil skjálftavirkni á landinu áhyggjuefni
Þrjú og hálft ár fyrir skotárás í Úlfarsárdal
Ísraelar hefna árásarinnar
„Menn eru bara búnir að forgangsraða“
Kveðst tala af virðingu: „Ég er enginn dóni“
Kvikan virðist nú skiptast til helminga
Benda á Samgöngustofu sem bendir út í heim