Í Háaleitis- og Bústaðahverfunum eru 1.479 íbúðir í byggingu eða á teikniborðinu, samkvæmt drögum að húsnæðisáætlun Reykjavíkurborgar.
Á RÚV-reitnum eru 360 íbúðir á byggingasvæði á framkvæmdastigi og er meðalstærð þeirra 70 fermetrar. Húsnæðisfélög eiga 11,1% í þeim íbúðum.
Að Sogavegi 73 til 77 eru 49 íbúðir í samþykktu deiliskipulagi. Meðalstærð þeirra er 87 fermetrar.
Á reitnum Sléttuvegi-Skógarvegi eru 327 íbúðir í formlegu skipulagsferli. Þar verða hefðbundnar íbúðir, hjúkrunaríbúðir og þjónustuíbúðir. Ekkert kemur fram í húsnæðisáætluninni um stærð þeirra en húsnæðisfélög eiga 80% íbúðanna.
Í Vigdísarlundi verða 18 íbúðir en ekkert kemur fram um stærð þeirra.
Reiturinn Kringlan er á þróunarsvæði í skoðun eða undirbúningi. Þar sem gert er ráð fyrir 500 íbúðum.
Þar að auki er reiknað með 225 íbúðum á Borgarspítalareitnum.