Næstum 8.000 íbúðir í undirbúningi
Setja bókamerki
Fjöldi nýrra íbúða er fyrirhugaður í Elliðaárvogi, Grafarvogi og Úlfarsárdal á næstu árum, eða 7.680. Þetta kemur fram í drögum að húsnæðisáætlun Reykjavíkurborgar sem voru kynnt á þriðjudag.
Þær íbúðir sem eru á byggingasvæði á framkvæmdastigi eru 280 talsins. Þær eru allar í Bryggjuhverfi – 2. áfanga og er meðalstærð þeirra 100 fermetrar. Húsnæðisfélög eiga allar íbúðirnar.
Íbúðir í samþykktu deiliskipulagi eru 120 talsins, allar á reitnum Spöngin-Móavegur. Meðalstærð þeirra er 74 fermetrar og eru þær að fullu í eigu húsnæðisfélaga.
Á svæðum sem eru í skipulagsferli eru 1.300 íbúðir. Þar af eru 140 þeirra á reitnum Úlfarsárdalur, þar sem þétta á núverandi hverfi, og 360 á reitnum Úlfarsárdalur – Leirtjörn. Þar verður helmingur íbúðanna í eigu húsnæðisfélaga. Ekkert kemur fram um stærð íbúðanna í Úlfarsárdalnum í húsnæðisáætluninni.
Á reitnum Elliðaárvogur-Bryggjuhverfi II er gert ráð fyrir 800 íbúðum. Meðalstærð þeirra nemur 114 fermetrum og eiga húsnæðisfélög 25% í þeim.
Fjölmargar íbúðir eru á svæðum sem eru á þróunarsvæði sem er í skoðun eða undirbúningi, eða samanlagt 5.980.
Langflestar eru þær á reitnum Elliðaárvogur-Vogur, Höfðar. Þar er gert ráð fyrir 4.500 íbúðum og verður meðalstærð þeirra 114 fermetrar. Húsnæðisfélög eiga 25% íbúðanna.
Á Keldum verða 480 íbúðir og í Gufunesi verða svo 1.000 til viðbótar. Ekkert kemur fram um stærð þeirra.
Skiptir miklu meira máli en fólk grunar
Vélsleðaslys: Þyrlan kölluð út á mesta forgangi
„Okkur miðar í rétta átt“
Árshátíð ríkislögreglustjóra haldin í Tékklandi
Shakespeare fannst í skókassa
„Á réttri leið en nokkuð í land ennþá“
Kostnaður meiri en milljón á fermetra