Á sá fund sem finnur?

Seabed Constructor í Reykjavíkurhöfn.
Seabed Constructor í Reykjavíkurhöfn. Golli / Kjartan Þorbjörnsson

„Ef þetta er í landhelginni getur ríkið sett þannig lagaramma að það sé eigandi ef enginn annar gerir tilkall. En ef þetta er fyrir utan landhelgina þá á sá fund sem finnur,“ segir Bjarni Már Magnússon, doktor í hafrétti við Háskólann í Reykjavík. 

Greint hef­ur verið frá því að norska rann­sókn­ar­skip­inu Sea­bed Constructor hafi verið stefnt til hafn­ar vegna gruns um ólög­leg­ar rann­sókn­ir. Það hef­ur und­an­farna daga haldið sig á svæðinu þar sem þýska flutn­inga­skipið Mind­en sökk í seinni heims­styrj­öld­inni.

Lögregla hefur verið að yfirheyra skipverja í dag en Grímur Grímsson yfirlögregluþjónn vildi í kvöld ekki gefa upp hvort eitthvað hefði komið út úr yfirheyrslunum. 

Frétt mbl.is: Seabed Constructor kominn til hafnar
Frétt mbl.is:
Kafarar leita að búnaði undir skipinu

Spurningar hafa vaknað um valdheimildir íslenska ríkisins; hvort rannsóknarskipið þurfi yfirhöfuð leyfi til að stunda rannsóknir á flakinu. 

„Fyrir tilteknar rannsóknir þarf leyfi og þá er spurning hvort þetta skip þurfi leyfi eða ekki. Ríki geta sett ákveðinn regluramma yfir hafrannsóknir; það er fjallað um þetta í hafréttarsamningi Sameinuðu þjóðanna en þar er hugtakið ekki skilgreint nákvæmlega. Hvað varðar rannsóknir í efnahagslögsögu, fyrir utan landhelgina, þá er almennt talið að hafrannsóknir þurfi að snúa að umhverfi hafsins. Miðað við það sem lögmaður fyrirtækisins segir þá snúast aðgerðirnar ekki um umhverfi hafsins heldur um að ná einhverju úr skipinu,“ segir Bjarni Már og vísar þar til Minden.

Hann segir að engu skipti hvort flakið teljist til fornminja eða ekki. 

„Sumum hefur dottið í hug að flakið flokkist undir fornminjar en eins og staðan er núna þá nær lögsaga Íslands yfir fornminjar á hafsbotni ekki lengra en tólf sjómílur. Nú er verið að setja sérstök lög sem innihalda ákvæði um fornminjar í svokölluðu aðlægu belti sem færir lögsöguna út um 24 sjómílur en þegar þú ert kominn 120 sjómílur fyrir utan þá lítur þetta þannig út að íslenska ríkið hafi ekki lögsögu yfir fornminjum.“

Lögmætar aðgerðir?

Bjarni útilokar ekki að íslenska ríkið gæti verið skaðbótaskylt ef aðgerðir lögreglu og Landhelgisgæslunnar reynast ólögmætar. 

„Það er alveg eðlilegt að kanna hvað er verið að gera en svo er spurning hversu langt á að ganga. Í Polar Nanoq virtust fulltrúar íslenskra stjórnvalda ekki vera með lagarammann varðandi efnahagslögsöguna á hreinu miðað við yfirlýsingar í fjölmiðlum og nú kemur aftur mál sem snertir valdheimildir íslenska ríkisins í efnahagslögsögunni.“

Spurning um tilkall

Fréttaflutningur af málinu hefur leitt til þess að margir hafa velt fyrir sér hvað leynist í flakinu. Bjarni segir að ef verðmæti finnast geti rannsóknarskipið hirt þau nema því aðeins að fyrri eigandi gerði tilkall. 

„Það vantar fullt af upplýsingum en það er tvennt í þessu; ef það er einhver eigandi þá gæti fyrirtækið farið fram á björgunarlaun fyrir að hafa náð verðmætum af hafsbotni. Svo er hitt; ef það er enginn eigandi þá er lykilatriði hvort flakið finnst innan tólf sjómílna landhelgi eða fyrir utan. Ef þetta er í landhelginni getur ríkið sett þannig lagaramma að það sé eigandi ef enginn annar gerir tilkall. En ef þetta er fyrir utan þá á sá fund sem finnur,“ segir Bjarni.

Spurður hvort þýska ríkið sé réttmætur eigandi svarar hann að svo geti verið. „En ef það er enginn eigandi þá hefði Ísland getað farið þangað og tekið þetta.“

mbl.is

Bloggað um fréttina

Innlent »

Endurupptaka Geirfinnsmálsins peningasóun

Í gær, 22:01 Jón Gunnar Zoëga, lögmaður og réttargæslumaður Valdimars Olsen sem sat saklaus í gæsluvarðhaldi grunaður um aðild að hvarfi Geirfinns Einarssonar, segir það peningasóun að taka Guðmundar- og Geirfinnsmálin upp að nýju fyrir dómstólum. Þau seku í málinu hafi verið dæmd. Meira »

Missti af því að byrja að drekka

Í gær, 21:20 Marta Magnúsdóttir segir að í skátunum hætti enginn að leika sér. Þessi 23 ára skátahöfðingi Íslands hefur ferðast víða um heim og er meira að segja pólfari. Hún er uppalin í Grundarfirði og unir sér illa í borgum. Hún segir að það besta við að vera í skátunum sé að maður fái að vera maður sjálfur. Meira »

Stormur og hellidemba á morgun

Í gær, 20:45 „Þetta er nú lítið spennandi veður. Mikið vatnsveður og hvasst með þessu en þetta er ekki mest spennandi laugardagur sem við höfum upplifað,“ segir Theodór Freyr Hervarsson, veðurfræðingur á Veðurstofu Íslands, um veðrið á morgun. Meira »

Hatursorðræða er samfélagsmein

Í gær, 20:20 Ísland er langt á eftir norrænum ríkjum þegar kemur að umræðu og lagasetningu um hatursorðræðu. Þetta kom fram á ráðstefnu um hatursorðræðu í íslensku samfélagi sem fram fór í Hörpu í dag á vegum Æskulýðsvettvangsins. Meira »

Stjórnarráðið lýst upp í fánalitunum

Í gær, 19:54 Stjórnarráð Íslands hefur nú fengið á sig nýja lýsingu, sem hægt er að hafa í íslensku fánalitunum. Það er lýsingarteymi Verkís sem á heiðurinn af hönnun nýju lýsingarinnar sem nær yfir allar hliðar byggingarinnar, utan bakhliðarinnar. Meira »

Gagnrýndi kjarnorkutilraunir N-Kóreu

Í gær, 19:32 Guðlaugur Þór Þórðarson utanríkisráðherra, gagnrýndi eldflauga- og kjarnavopnatilraunir Norður-Kóreustjórnar og efnavopnaárásir Sýrlandsstjórnar í ávarpi sínu á allsherjarþingi Sameinuðu þjóðanna í New York í dag. Þá lýsti Guðlaugur Þór yfir áhyggjum af aðstæðum Rohingya í Myanmar. Meira »

Áhættusöm myndataka við Gullfoss

Í gær, 19:20 Ferðamaður tók mikla áhættu í klettunum við Gullfoss fyrir nokkru, að því er virðist í þeim tilgangi að láta taka mynd af sér við fossinn. „Það var enginn sem var að skipta sér af þessu og enginn sem var með eftirlit þarna virðist vera.“ Meira »

Akstur krefst fullrar athygli

Í gær, 19:30 Vertu snjall undir stýri nefnist átak sem Slysavarnafélagið Landsbjörg ýtti nýverið úr vör. Tilgangur þess er að vekja bílstjóra til umhugsunar um þá miklu ábyrgð sem fylgir því að vera úti í umferðinni og nota snjalltæki undir stýri með mögulegum lífshættulegum afleiðingum. Meira »

Teikaði vespu á hjólabretti og fékk bætur

Í gær, 19:11 Héraðsdómur Reykjavíkur úrskurðaði í dag að Vátryggingafélags Íslands (VÍS) skyldi greiða helming þess tjóns sem ungur maður varð fyrir þegar hann datt á hjólabretti, sem dregið var áfram af vespu sem var á töluverðri ferð. Meira »

Fjármagnið minna en ekkert

Í gær, 18:36 Það fjármagn sem rennur til Landspítalans er minna en ekkert þegar öll kurl eru komin til grafar. Þetta segir Páll Matthíasson, forstjóri Landspítalans, í vikulegum pistli sínum á vef spítalans. Hann gerir ráð fyrir að heilbrigðismálin verði aftur ofarlega á baugi í kosningabaráttunni. Meira »

Bullum, gerum grín og stríðum hvert öðru

Í gær, 18:30 Vinskapurinn milli þeirra Siggu, Jogvans og Guðrúnar hefur vaxið með samstarfi þeirra í söng og þau hittast oft í hádeginu til að hlæja. Þau ætla að skemmta gestum sínum í kvöld í þrítugasta sinn, og hlæja mikið. Þau skemmta sér sjálf manna best á tónleikunum þar sem þau segja sögur og gera grín hvert að öðru. Meira »

Gáfu styttuna af Ingólfi Arnarsyni

Í gær, 18:20 Í tilefni af 150 ára afmæli Iðnaðarmannafélagsins í Reykjavík hefur verið gerð heimildarmynd um sögu þess. Árið 1924 gaf félagið íslensku þjóðinni styttu af Ingólfi Arnarsyni sem Knud Zimsen borgarstjóri og fyrrverandi formaður Iðnaðarmannafélagsins afhjúpaði við hátíðlega athöfn. Meira »

Með frumvarp fyrir framkvæmdum í Teigsskógi

Í gær, 18:05 Sjö þingmenn Norðvesturkjördæmis ætla á næsta þingfundi að leggja fram frumvarp þess efnis að Vegagerðinni verði veitt leyfi til framkvæmda á leið Þ-H á Vestfjarðavegi, sem liggur um Teigsskóg í vestanverðum Þorskafirði. Meira »

Börn fái nauðsynlega vernd

Í gær, 17:25 Logi Einarsson, formaður Samfylkingarinnar, sagði að loknum fundi formanna flokkanna með forseta Alþingis að umræður um breytt útlendingalög hefðu ekki verið á þann veg sem hann hefði viljað sjá, þannig að breytingarnar tryggðu börnum fullnægjandi réttindi. Meira »

Fjarar undan tillögum um stjórnarskrá

Í gær, 16:09 Bjarni Benediktsson forsætisráðherra sagði að loknum fundi með hinum formönnum flokkanna og forseta Alþingis að málin þokist í rétta átt, til dæmis hvað varðar uppreist æru. „Mér sýnist að menn séu komnir með niðurstöðu um það. Síðan eru önnur mál sem eru aðeins flóknari að ná utan um.“ Meira »

„Þeirra leið til að brjóta mann niður“

Í gær, 17:55 „Ég gæti setið hérna í allan dag og sagt ykkur sögur, því miður,“ segir Pape Mamadou Faye, framherji Víkings Ólafsvík. Sögurnar sem hann á við tengjast allar fordómum og/eða hatursorðræðu á einhvern hátt. Meira »

Hnepptur í gæsluvarðhald

Í gær, 16:41 Héraðsdómur Reykjavíkur féllst í dag á að erlendur karlmaður á fertugsaldri væri dæmdur í gæsluvarðhald. Það gildir í eina viku og er veitt á grundvelli rannsóknarhagsmuna. Meira »

Hjólreiðar verði raunhæfur samgöngukostur

Í gær, 16:00 Hjólreiðar eiga að vera raunhæfur kostur enda draga þær úr umhverfisáhrifum, lækka samgöngukostnað og minnka orkuþörf. Þetta sagði Jón Gunnarsson samgöngu- og sveitarstjórnarráðherra í ávarpi sínu á ráðstefnunni Hjólum til framtíðar, sem haldin var í tilefni Samgönguviku. Meira »
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
GLERFILMUR
Glerfilmur, gluggafilmur, sand& sólarfilma. Merkismenn, sími 544- 2030 www.merk...
 
Eldri borgarar
Staður og stund
Aflagrandi 40 Hjá okkur er opin vinnusto...
Utankjörfundaratkvæða- greiðsla uta
Tilkynningar
Utankjörfundaratkvæðagreiðs...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Opinn fundur
Fundir - mannfagnaðir
Sjálfstæðisflokkurinn í Hafnarfi...