Óánægja er með fyrirhugaða hækkun virðisaukaskatts á ferðaþjónustu meðal nokkurra þingmanna innan þingflokks Sjálfstæðisflokksins.

Í umfjöllun um mál þetta í Morgunblaðinu í dag segjast þeir óttast áhrif skattahækkunarinnar á ferðaþjónustu á landsbyggðinni auk þess sem svört starfsemi gæti færst í aukana.

Einn sem vildi ekki koma fram undir nafni sagði fyrirséð að ferðaheildsalar beini viðskiptavinum sínum í auknum mæli til annarra landa þegar skattahækkanirnar skila sér út í verðlag en viðmælendur Morgunblaðsins hafa áhyggjur af því að íþyngjandi skattahækkanir bætist ofan á sterkt gengi íslensku krónunnar sem hefur þyngt róður margra ferðaþjónustufyrirtækja.

Tengdar fréttir

Ferðamenn á Íslandi

Mikilvægt að vera á tánum

• Ferðaþjónusta aldrei vegið þyngra í landsframleiðslu
• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“

» Fleiri tengdar fréttir